HEBRU 12:27 - Khasi CL Bible (BSI)

²⁷ Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

KA BAIBL

²⁷ Te kane ka ktien, “Sa shi wat shuh”, ka pyni ïa kata ka jingpynkynriah ïa kita kiei kiei ruh ïa kiba la pynkhih, kum ïa kiei kiei ruh ba la shu thaw, khnang ba kita kiei kiei ruh ïa ki bym shym pynkhih, kin ïoh sah.

HEBRU 12:27 Mawu Ofanana

ISAÏAH 34:4

Ka sngi, u bnai bad ki khlur kin lwet jin. Ka sahit bneng kan jah noh kum ka kitab ba la kli, bad ba ki khlur kin hap kum ki sla na u dieng sohwaiñ bad u dieng Dumbur.

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

ISAÏAH 65:17

U Trai u ong, “Ngan thaw ïa ka khyndew bathymmai bad ïa ki bneng bathymmai. Kiei kiei kiba jia long mynshuwa yn ym kynmaw shuh.

ISAÏAH 66:22

“Kumba ka khyndew bathymmai bad ki bneng kiba thymmai, kin ïaisah da ka bor jong nga, kumta ruh ki khun ki ksiew jong phi bad ka kyrteng jong phi kin ïaisah.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

HAGGAI 2:21

ïa u Serubbabel, u lat ka Judah: “Nga la jan ban pynkhih ïa ka bneng bad ka khyndew

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

Ka Shithi U Paul Sha Ki Nong Rom 8:21

ba ïa ki jingthaw hi ha kawei ka sngi yn pyllaitluid na ki jinglongmraw sha ka jingpyut bad ban ïadon bynta ha ka jinglaitluid badonburom jong ki khun jong U Blei.

1 KORINTH 7:31

kito kiba pyndonkam ïa ki tiar ba ki ïoh, kumba kim shym lap miet ha kita. Naba kane ka pyrthei, kumba ka long mynta, kan ym neh slem.

HEBRU 1:10

U la ong ruh, “Me, A Trai, ha kaba mynnyngkong me la thaw ïa ka pyrthei, bad da la ki kti hi me la thaw ïa ki bneng.

HEBRU 13:14

Naba ym don ka nongbah kaba ïaineh na ka bynta jong ngi hangne ha pyrthei, ngi ap khmih ïa ka nongbah ka ban sa wan.

HEBRU 9:11

Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 21:1

Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”