HEBRU 12:25 - Khasi CL Bible (BSI)

²⁵ Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

KA BAIBL

²⁵ To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 12:25 Mawu Ofanana

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

2 KHRONIKL 7:19

Hynrei lada ma me bad ki briew jong me kin ym kohnguh ïa ki aiñ bad ki hukum ïa kiba nga la ai ha phi, bad phi mane ïa kiwei pat ki blei,

EKSODOS 16:29

Kynmaw ba ma nga, U Trai nga la ai ha phi ïa ka sngi shongthait, bad dei namar kata ba ha ka sngi kaba hynriew nga ai jingbam ïa phi kat ban biang na ka bynta ar sngi. Baroh phin ïashong ha ka jaka ba phi don ha ka sngi kaba hynñiew, bad phim dei ban mih na la ïing.”

EKSODOS 20:22

U Trai u la hukum ïa u Moses ban ong ha ki Israel: “Phi la ïohi kumno ma nga, U Trai, nga la kren ha phi na bneng.

PROBERB 1:24

Nga ïai pyrta ïa phi, nga da khot sngewbha ba phin wan, hynrei phim sngap. Phim shahshkor satia ïa nga.

PROBERB 1:32

Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

PROBERB 13:18

Kino kino ki bym kwah ban shah hikai kin ïailong kiba kyrduh. Hynrei uno uno uba sngap ïa ka jingpynbeit u long ba la ñiewkor.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 8:33

Shahshkor ïa kaei ba la hikai ïa phi, long uba stad; wat kyntait ïa ka.

ISAÏAH 48:6

“Baroh kiba nga la ïathuh lypa, mynta ki la urlong; phi hap ban pdiang ba ki jingïathuh lypa jong nga ki long kiba dei. Mynta ngan ong ïa phi ïa kiei kiei kiba thymmai ki ban wan, ki jingjia kiba ngam shym la pynpaw mynshuwa.

ISAÏAH 64:9

Me la thaw ïa ngi, kumta wat bitar eh ïa ngi, lane bat ïa ki pop jong ngi pyrshah ïa ngi junom. Ngi long ki briew jong me; to isynei ïa ngi.

JEREMAÏAH 11:10

Ki la leit phai pat sha ki pop jong ki kpa tymmen jong ki, kiba la kyntait ban leh ïa kaei kaba nga ong; ki la mane ïa kiwei pat ki blei. Baroh ar, ka Israel bad ka Judah ki la pynkheiñ ïa ka jutang kaba nga la pynlong bad ki kpa tymmen jong ki.

ESEKIEL 5:6

Hynrei ka Jerusalem ka la ïaleh pyrshah ïa ki hukum jong nga, ka da pynpaw ba ka long kaba kham sniew ban ïa kiwei pat ki ri, ka la long bymkohnguh kham palat ïa ki ri kiba don sawdong jong ka. Ka Jerusalem ka la kyntait ïa ki hukum jong nga bad kam kohnguh satia ïa ki aiñ jong nga.

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki

JINGKHEIÑ 32:15

Lada phi ki briew na ka jait Reuben bad ka jait Gad phi kyntait ban bud ïa u mynta, sa shisien un iehnoh ïa kine ki briew baroh ha ka ri khlaw, bad phin kitkhlieh ïa ka jingpynjot thiaw ïa ki.”

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

KI KAM 7:35

“U Moses u long uta uba la shah kyntait da ki paid Israel. ‘Uei uba la pynlong ïa me u nongsynshar bad u nongbishar halor jong ngi?’ ki la kylli. U long ma u, uba U Blei u la phah ban synshar ïa ki briew bad ban pyllaitluid ïa ki da ka jingïarap jong u angel uba la mihpaw ha u ha ka bniap kaba mehding.

DEUTERONOMI 18:19

Un kren ha ka kyrteng jong nga, bad ngan pynshitom ïa uno uno u bymkohnguh ïa u.

DEUTERONOMI 30:17

Hynrei lada phim kohnguh bad phi kyntait ban shahshkor, bad phi shah ïalam bakla ban mane ïa kiwei pat ki blei,

DEUTERONOMI 4:36

U la ailad ïa phi ban ïohsngew ïa ka ktien jong u na bneng khnang ba u lah ban hikai ïa phi; bad hangne ha pyrthei u la ailad ba phin ïohi ïa ka ding kaba kyntang jong u, bad u la kren ha phi na ka.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

2 TIMOTHI 4:4

Kin phai noh na kaba shahshkor ïa ka jingshisha bad kin pynleit jingmut ha ki puriskam kai.

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 12:19

ka jingriew ka turoi, bad ka jingsawa jong ka sur kaba kren. Haba ki paidbah ki la ïohsngew ïa kata ka jingsawa, ki la kyrpad ba kim kwah shuh ban ïohsngew sa ïa kawei pat ka ktien.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 3:17

Bad kiei pat kiba U Blei u la bitar haduh sawphew snem? Bad kita ki briew kiba la leh pop, kiba la kyllon ïap ha ka ri shyiap.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

JOSHUA 22:15

Ki la wan sha ka ri Gilead, sha ki paidbah jong ki jait Reuben, Gad, bad Manasseh ba sha Mihngi,

JOSHUA 22:16

bad ki kren na ka bynta u paidlang U Trai; ki ong ha ki, “Balei phi leh ïa kane kaei kaei kaba sniew pyrshah ïa U Blei ki Israel? Phi la leh pyrshah ïa U Trai da kaba tei ïa kane ka duwan na ka bynta ïa lade! Phim shym bud shuh ïa u!

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 22:9

Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”