HEBRU 12:24 - Khasi CL Bible (BSI)

²⁴ Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

KA BAIBL

²⁴ bad ha U Jisu U Ksiang ka jutang bathymmai, bad ha ka snam ka jingsynreit, kaba kren ïa kiei kiei kiba kham bha ban ïa ka jong u Abel.

HEBRU 12:24 Mawu Ofanana

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

EKSODOS 24:8

Kumta u Moses u shim ïa kata ka snam na ki dabor bad u synreit ïa ka ha uta u paidbah. U ong, “Kane ka long ka snam kaba pynskhem ïa ka jutang kaba U Trai u la pynlong bad phi, mynba u ai ïa kine ki hukum baroh.”

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

LEBITIKOS 1:5

Un pynïap ïa uta u masi hangta, bad ki lyngdoh kiba na ka ïing u Aaron kin ai ïa ka snam sha U Trai, bad hadien kata kin synreit ïa ka sawdong kata ka duwan kaba don ha khmat ka jingkhang jong ka Ïingjaiñ.

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

LOUKAS 11:51

naduh ka jingpynïap ïa u Abel haduh ka jingpynïap ïa u Sekharaïah, uba la shah pynïap hapdeng ka duwan bad ka Jaka Bakyntang. Ho-oid, nga ong ha phi, ba ïa ki briew jong kane ka juk yn pynshitom na ka bynta jong ki baroh!

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

GALATIA 3:20

Hynrei ïa u ksiang ym donkam haba treikam tang uwei u briew; bad U Blei u long uwei.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 11:28

Dei ka jingngeit kaba la pynlong ïa u ban pynskhem ïa ka Jingkhawai Niam Ka Jinglait, bad hukum ban synreit ïa ka snam ha ki jingkhang, ba u Angel jong ka Jingïap un ym pynïap ïa ki khun shynrang ba la kha nyngkong jong ki Israel.

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 7:22

Te, kane ka jingïapher, ka pynlong ruh ïa U Jisu u nongbahkhlieh ïa ka jutang kaba kham bha.

HEBRU 8:13

Da kaba ong ka jutang bathymmai, U Blei u la pynlong rim ïa kata kaba nyngkong; bad kano kano kaba kylla rim bad nang tymmen kan sa jah noh shen.

HEBRU 8:6

Hynrei mynta, ha U Jisu u la ai ïa ka kam lyngdoh kaba kham halor ban ïa ka jong ki, kumba ka jutang ïa kaba u la pynbeit hapdeng U Blei bad la ki briew ka long kaba kham bha, namar la seng nongrim ïa ka ha ki jingkular ïa kiei kiei kiba kham bha.

HEBRU 8:8

Hynrei U Blei u shem jingduna bad ki briew jong u haba u ong, “Ki sngi ki wan, ong U Trai, haba ngan pynlong ïa ka jutang kaba thymmai bad ki paid Israel bad ki paid Judah ruh.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

HEBRU 9:19

Nyngkong, u Moses u la pynbna ha u paidlang ïa ki hukum baroh kat kum ba la buh ha ka hukum. Nangta u la shim ïa ka snam ki masi kyrtong bad ki blang, u la khleh ïa ka bad ka um, bad u la synreit ïa ka halor kata ka kitab ka hukum bad halor u paidbah baroh, da kaba pyndonkam ïa u tnat Hissop bad katto katne u 'saiwul uba saw.

HEBRU 9:21

Ha kajuh ka rukom u Moses ruh u la synreit ïa ka snam halor kata ka Ïingjaiñ ka Jutang bad halor kiei kiei baroh ïa kiba la pyndonkam ha ka jingmane.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.