HEBRU 12:19 - Khasi CL Bible (BSI)

¹⁹ ka jingriew ka turoi, bad ka jingsawa jong ka sur kaba kren. Haba ki paidbah ki la ïohsngew ïa kata ka jingsawa, ki la kyrpad ba kim kwah shuh ban ïohsngew sa ïa kawei pat ka ktien.

KA BAIBL

¹⁹ bad ha ka jingsawa ka turoi, bad ha ka jingpyrta ki ktien; ïa kaba kita kiba la ïohsngew ki la ïakyrpad ba yn ym kren kawei ka ktien shuh ha ki:

HEBRU 12:19 Mawu Ofanana

EKSODOS 20:22

U Trai u la hukum ïa u Moses ban ong ha ki Israel: “Phi la ïohi kumno ma nga, U Trai, nga la kren ha phi na bneng.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

DEUTERONOMI 18:16

“Ha kato ka sngi mynba phi ïalumlang ha u Lum Sinai, phi la kyrpad ba phim kwah ban ïohsngew shuh ïa ka sur U Trai, lymne ïohi shuh ïa ka ding ha kaba u don, namar ba phi sheptieng ïoh phi ïap.

DEUTERONOMI 4:11

“Ïathuh ha ki khun ki kti jong phi kumno phi leit ïeng ha trai uta u lum ha uba u lyoh tdem uba ïong synñia u tap bad na uba ka ding kaba rhem ka klang shaduh suiñbneng.

DEUTERONOMI 4:12

Ïathuh ïa ki kumno U Trai u la kren ha phi na kata ka ding, kumno phi la ïohsngew ba u kren hynrei phim shym la ïohi satia ïa ka dur jong u.

DEUTERONOMI 4:33

Don mo ki briew kiba dang im hadien ba ki la ïohsngew ïa u blei uba kren ha ki na ka ding, kumba phi, phi la ïohsngew?

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.