HEBRU 12:18 - Khasi CL Bible (BSI)

¹⁸ Naba phim shym la wan kumba wan ki paid Israel, sha kaei kaba phi lah ban tba, sha u lum Sinai ha kaba la don ka ding kaba klang, ka jingdum bad u lyoh ïong, ka 'erïong,

KA BAIBL

¹⁸ Namar phim shym wan ha u lum ïa uba lah ban tba, bad ba la ing da ka ding, bad ha ka jingïong, bad ha ka jingdum, bad ha ka 'erïong,

HEBRU 12:18 Mawu Ofanana

EKSODOS 20:18

Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

2 KORINTH 3:9

Ka rukom pynïaid kaba wanrah ïa ka jingpynrem ka la long kaba donburom; kaba katno tam kaba kham donburom kata ka jingtrei kaba wanrah ïa ka jingpynim!

DEUTERONOMI 4:11

“Ïathuh ha ki khun ki kti jong phi kumno phi leit ïeng ha trai uta u lum ha uba u lyoh tdem uba ïong synñia u tap bad na uba ka ding kaba rhem ka klang shaduh suiñbneng.

DEUTERONOMI 5:5

Nga la ïeng hapdeng jong phi bad U Trai ha kata ka por ban ïathuh ha phi aïu u ong, namar ba phi sheptieng ïa kata ka ding bad phim shym leit kiew sha uta u lum. “U Trai u la ong,

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.