HEBRU 12:16 - Khasi CL Bible (BSI)

¹⁶ Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

KA BAIBL

¹⁶ ïoh ba don uno uno ruh uba klim, lane uba leh beiñ niam, kum u Iso, uba, namar kaba shi sien bam jingbam u la die noh ïa ka jinglong hynmen jong u hi.

HEBRU 12:16 Mawu Ofanana

JENESIS 27:36

U Iso u ong, “Kane ka dei ka sien kaba ar ba u la shet shukor ïa nga. Kam long kaba phylla ba ka kyrteng jong u ka dei u Jakob. U la shim noh ïa ki hok ka jinglong khun nyngkong jong nga, bad mynta pat u la shim sa ïa ka jingkyrkhu jong nga. Hato phim shym la tyngkai ka jingkyrkhu ïa nga?”

MARKOS 7:21

Naba na shapoh, na ka dohnud u briew, ki wan ki jingmut basniew kiba ïalam ïa u ban leh ki kam awria, ban lute, ban pynïap,

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

1 KORINTH 10:8

Ngim dei ban long kiba shah kynnoh ba leh awria, kumba don na ki, kiba la leh kumta — bad ha ka shi sngi, arphew lai hajar ngut na ki, ki la kyllon ïap.

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

1 TIMOTHI 1:9

Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.