HEBRU 12:15 - Khasi CL Bible (BSI)

¹⁵ To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

KA BAIBL

¹⁵ da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

HEBRU 12:15 Mawu Ofanana

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

EKSODOS 32:21

U ong ruh ha u Aaron, “Aïu kine ki briew ki la leh ïa phi, haduh ba phi la pynlong ïa ki ban leh ïa ka pop kaba ishyrkhei kat kane?”

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

1 KORINTH 10:12

Kito kiba pyrkhat ba ki ïeng skhem, kan kham bha ba ki sumar ba ïoh ki kyllon.

1 KORINTH 13:8

Ka jingieit ka neh bymjukut. Ki don ki khubor da ka jingpyrsad mynsiem, hynrei ki long tang shipor; ki don ki jingai ban kren ha ki thylliej bapher, hynrei kin dam noh; ka don ka jingtip, hynrei kan sa jah noh.

1 KORINTH 15:33

To wat shah ba yn shukor. “Ki paralok kiba sniew ki pynjot ïa ka jinglong babha.”

1 KORINTH 5:6

Kam long kaba dei ïa phi ba phin sngewsarong! Phi tip ïa ka jingong, “Tang khyndiat u thiat, u pynsieb ïa u kpu im ba la khleh?”

2 KORINTH 13:5

To tynjuh ïa lade bad bishar hi da lade, ban shem la phi im ne em ha ka jingngeit. Hato da shisha phi tip ba U Khrist Jisu u don ha phi? — lymda phi la long kiba la shahjop noh.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 2:13

Kiwei pat ki parabangeit Jiw ki la sdang leh kum ki khawpud ryngkat bad u Petros; bad wat u Barnabas hi ruh u la liat lang ha ka jingleh khawpud jong ki.

GALATIA 5:4

Kito na phi kiba pyrshang ban pynksan ha khmat U Blei da kaba kohnguh ïa ka Hukum, phi la dkhat noh ïa lade na U Khrist. Phi long shabar ka jingaiei U Blei.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

DEUTERONOMI 29:18

Pynthikna ba yn ym don napdeng jong phi u shynrang, lane ka kynthei, lane ka longïing, lane ka jait, ki ban phai noh na U Trai U Blei jong phi ban mane ïa ki blei jong kiwei pat ki jaitbynriew. Kum uta, un long kum u thied uba pynmih u soh uba kthang bad uba don bih.

DEUTERONOMI 32:32

Ki nongshun jong ki, kiba jyrsieh kum ka Sodom bad ka Gomorrah, ki long kum ki dieng sohwaiñ kiba sei ki soh kiba kthang bad don bih,

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

HEBRU 6:11

Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

2 PETROS 3:11

Namar ba ïa kine kiei kiei baroh yn pynjot ha kane ka rukom, ki briew kiba kumno phi dei ban long?

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

2 ÏOANNIS 1:8

To phin sumar ïa lade, namarkata, khnang ba phin ym duh noh ïa kaei kaba ngi, ngi la trei, hynrei phin ïohpdiang ïa ka bainong kaba pura.