HEBRU 12:14 - Khasi CL Bible (BSI)

¹⁴ Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

KA BAIBL

¹⁴ To beh brai ïa ka jinglong suk bad ki briew baroh, bad ïa ka jingpynkhuid, khlem kata, uno uno ruh un ym ïohi ïa U Trai:

HEBRU 12:14 Mawu Ofanana

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

Ka Kitab U Job 19:26

Wat lada hadien ba la bam noh ïa ka doh jong nga da ka jingpang, wat ha kane hi ka met ngan ïohi ïa U Blei.

Ka Kitab U Job 33:26

Haba u duwai, U Blei un jubab ïa u; un mane ïa U Blei da kaba kmen; U Blei un buh beit sa shisien pat ïa kiei kiei na ka bynta jong u.

SALM 120:6

Nga la shong slem eh bad ki briew kiba isih ïa ka jingsuk!

SALM 133:1

A katno kaba phylla ka long, katno kaba sngewtynnat, haba ki briew jong U Blei ki ïashong lang ha kawei ka jingmut!

SALM 34:14

To phai noh na kaba sniew bad leh ïa kaba bha; wad ïa ka jingsuk da ka dohnud jong phi baroh.

SALM 38:20

Kito kiba siew kylliang da kaba sniew ïa kaba bha ki pyrshah ïa nga namar nga pyrshang ban leh ïa kaba dei.

SALM 94:15

Ka jingbishar hok kan wan biang ha ki ïingbishar, bad baroh ki briew kiba hok kin kyrshan ïa ka.

PROBERB 15:1

Ka jubab kaba jem ka tem ïa ka jingbitar, hynrei kaba khor ka pynkhih bitar.

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

ISAÏAH 51:1

U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

MARKOS 9:50

“Ka mluh ka long kaba bha; hynrei lada ka duh noh ïa ka jingbang jong ka, kumno phi lah ban pynbang pat ïa ka? “To don ïa ka mluh jong ka jingïalong paralok hapdeng jong phi, bad para ma phi, to im hapdeng ka jingsuk.”

LOUKAS 1:75

khnang ba ngi lah ban long kiba khuid bad kiba hok ha khmat jong u baroh ki sngi ka jingim jong ngi.

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 13:12

Kaei kaba ngi ïohi mynta ka long kum ka dur kaba byrngut ha ka ïitkhmih; nangta ngin sa ïohi markhmat. Kaei kaba nga tip mynta ka long tang katto katne; nangta kan sa long kaba dap pura — kaba dap pura kum ka jingtip jong U Blei ïa nga.

2 KORINTH 6:17

Bad kumta U Trai u ong, “Phi dei ban iehnoh ïa ki bad pynïakhlad ïa lade na ki. Wat ïadon bynta bad kaei kaei ka bymkhuid, bad ngan pdiang ïa phi.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 3:21

Hato kane ka mut ba ka Hukum ka long pyrshah ïa ki jingkular U Blei? Em, ym dei kumta! Naba lada u khunbynriew u la ïohpdiang ïa ka Hukum kaba lah ban wanrah jingim, te uwei pa uwei u lah ban long uba la pynksan ha U Blei da kaba kohnguh ïa ka.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

PHILIPPI 3:12

Ngam shym la kam ba nga la ïoh jop lypa lane ba la pynlong janai lypa. Nga ïai ïaleh shitom ban ïoh ïa ka prais ïa kaba U Khrist Jisu u la ïoh ïa nga sha lade hi.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

1 THESSALONI 4:7

U Blei um shym la khot ïa ngi ban im ha ka jingthala, hynrei ha ka jinglongkhuid.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 PETROS 3:11

U dei ban phai noh na kaba sniew bad ban leh ïa kaba bha; u dei ban ïaleh shitom na ka bynta ka jingsuk da ka dohnud jong u baroh.

1 PETROS 3:13

Uei u ban pynsniew ïa phi lada phi shitrhem ban leh ïa kaei kaba bha?

2 PETROS 3:11

Namar ba ïa kine kiei kiei baroh yn pynjot ha kane ka rukom, ki briew kiba kumno phi dei ban long?

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.

NONGBISHAR 11:14

U Jephthah u phah nonglamktien biang sha u syiem Ammon