HEBRU 12:13 - Khasi CL Bible (BSI)

¹³ Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

KA BAIBL

¹³ bad to pynlong ïa ki lynti ba-beit ïa ki kjat jong phi, ba yn ym pynphai noh ïa kata ka ba-dkoh na ka lynti, hynrei, kham tam ba yn pynkhiah.

HEBRU 12:13 Mawu Ofanana

ISAÏAH 35:3

Kin ai ka jingkhlaiñ ïa ki kti kiba la thait bad ïa ki khohsiew bakyiuh da ka jingtlot.

ISAÏAH 35:6

Kiba dkoh kin rynsied bad shad, bad kito ki bym lah ban kren kin pyrta da ka jingkmen. Ki wahduid kin tuid lyngba ka ri shyiap;

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 58:12

Ki briew jong phi kin tei pat ïa kaei kaba la pra la slem bah, kin tei pat halor ki nongrim ba-mynshuwa. Yn tip ïa phi kum ki briew kiba tei pat ïa ki kynroh, kiba pynbha pat ïa ki ïing ba la pra.”

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

LOUKAS 3:5

Ïa kawei pa kawei ka them dei ban pyndap, ïa uwei pa uwei u lumrit bad u lumbah dei ban pynmadan. Ïa ki lynti kiba kyllaiñ dei ban pynbeit, bad ïa ki lynti ïaid kiba khohruh khohram dei ban pynjlih.

GALATIA 2:14

Haba nga la ïohi ba kim shym la ïaid ha ka lynti kaba beit jong ka jingshisha ka Gospel, nga la ong ïa u Petros ha khmat jong ki baroh, “Me dei u Jiw, pynban, me la im kum u Jentil, ym kum u Jiw. Kumno te, me lah ban pynbor ïa ki Jentil ban im kum ki Jiw?”

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.