HEBRU 12:11 - Khasi CL Bible (BSI)

¹¹ Haba la sneng sympat ïa ngi, ngi ju pyrkhat ha kata ka por ïa kaei kaei kaba pynsngewsih ïa ngi, bad ym kaba pynkmen ïa ngi. Pynban hadien, kito kiba shah pynbeit da kita ki rukom sneng sympat ki ïoh ot ïa ka bainong kaba ai jingsuk jong ka jingim bahok.

KA BAIBL

¹¹ Te ka jingsneng sympat baroh kam imat mynta ba ka long kaba kmen, hynrei, kaba sngewsih: pynban, hadien, ka pynmih ïa u soh basuk ha kita kiba la trei ma ka, u soh ka hok keiñ.

HEBRU 12:11 Mawu Ofanana

JENESIS 21:11

Kane ka la pyndiaw shibun eh ïa u Abraham, naba u Ishmael ruh u dei u khun jong u.

SALM 118:18

U la pynshitom jur ïa nga, hynrei um shym la shah ïa nga ban ïap.

SALM 119:165

Kito kiba ieit ïa ka aiñ jong me ki don ka jingshngain bajanai, bad ym don kano kano kaba lah ban pynkyllon ïa ki.

SALM 89:32

Te ngan pynshitom ïa ki na ka bynta ki pop jong ki, ngan pynlong ïa ki ban jynjar na ka bynta ki jingbakla jong ki.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

PROBERB 19:18

Pynbeit ïa la ki khun katba ki dang lung ban shah hikai. Lada phim leh kumta, phi ïarap ïa ki ban pynjot da ki hi.

ISAÏAH 19:22

U Trai un pynshitom ïa ki Ijipt, hynrei pynban un pynkhiah ïa ki. Kin phai sha u, bad un ïohsngew ïa ki jingduwai jong ki bad pynkoit ïa ki.

ISAÏAH 32:17

Namar ba uwei pa uwei un leh ïa kaei kaba dei, kan don ka jingsuk bad ka jingshongshngain junom.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

HEBRU 5:14

Ka jingbam kaba eh, ha kawei pat ka liang, ka long ïa kiba la rangbah, kiba lyngba ka jingpynmlien ki lah ban pynïapher ïa kaba bha na kaba sniew.

1 PETROS 1:6

To ïakmen shaphang kane, wat la ka lah ban long kaba donkam ïa phi mynta ban sngewsih shipor namar kiba bun jait ki jingtynjuh kiba phi shahshitom.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!