HEBRU 12:1 - Khasi CL Bible (BSI)

¹ Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

KA BAIBL

¹ Naba kumta, ma ngi ruh, haba la ker tawiar ïa ngi da u lyoh ki sakhi katne katne, to ngin bred noh ïa ka jingpynwit baroh, bad ïa kata ka pop kaba shait snoh ha ngi, bad to ngin ïaphet da ka jingïaishah ïa ka jingïaphet thong ïa kaba la buh ha khmat jong ngi;

HEBRU 12:1 Mawu Ofanana

Ka Kitab U Job 8:10

Hynrei ai ba ki riewstad mynbarim kin hikai ïa me, to sngap ïa kaei kaba ki don ban ong.

SALM 18:23

U tip ba ngam don jingbakla ei ei, ba nga la sumar ïa lade na kaba leh bakla.

ISAÏAH 60:8

Kiei kine ki liengbah kiba per kum u lyoh, kum ki paro ki wan phai sha la ki sem?

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 38:9

Ma u bad ka kynhun shipai jong u bad bun ki jaitbynriew kiba don bad u kin tur ïaleh kum ka 'erïong bad tap ïa ka ri kum u lyoh.”

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 24:13

Hynrei uno uno uba ïeng skhem haduh kaba kut un lait im.

MARKOS 10:50

U la bret noh ïa ka jaiñkup jong u, u la rynsied, bad u la wan sha U Jisu.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 16:28

Shah ïa u ban leit bad maham ïa ki, khnang ba ma ki, la kumno kumno, kin ym wan sha kane ka jaka ka jingshitom.’

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

ÏOANNIS 3:32

U ïathuh ïa kaei kaba u la ïohi bad la ïohsngew, pynban ym don ba pdiang ïa ka khubor jong u.

ÏOANNIS 4:39

Bun na ki nong Samaria ha kata ka shnong ki la ngeit ha U Jisu namar kata ka briew ka la lah ong, “U la ïathuh ïa nga ïa kiei kiei baroh kiba nga la leh.”

ÏOANNIS 4:44

Naba ma u hi u la ong, “Ïa u nongïathuhlypa ym ju ñiewkor ha la ka jong ka ri.”

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 2:2

Nga la leit namar U Blei u la pynpaw ha nga ba nga dei ban leit. Ha ka jingïakynduh bajar jar bad ki nongïalam, nga la batai ïa ka khubor ka Gospel ïa kaba nga ïalap ha ki Jentil. Ngam shym la kwah ba ka jingtrei jong nga kaba mynshuwa bad kaba mynta kin shu sep-ei.

GALATIA 5:7

Phi la lehbha katta katta! Uei uba la pynlong ïa phi ban sangeh ban kohnguh ïa ka jingshisha? Da kumno u la khroh ïa phi?

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

2 TIMOTHI 2:4

U shipai ha ka jingtrei minot u kwah ban pynsngewbha ïa la u rangbah shipai bad kumta um ïakhleh bad ki kam ha ka jingim kaba ïadei lang.

2 TIMOTHI 4:7

Nga la ïaleh tyngeh ïa ka jingïamareh, nga la pyndep ïa ka jingïaphet, nga la ri ïa ka jingngeit.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 PETROS 5:12

Nga thoh ha phi ïa kane ka shithi kaba lyngkot da ka jingïarap u Silas, ïa uba nga ñiew kum u para Khristan baïaineh. Nga kwah ban pynshlur ïa phi bad ban ai ïa ka jingphla jong nga ba kane ka dei ka jingaiei bashisha jong U Blei. To ïeng skhem ha ka.

2 PETROS 1:6

ha ka jingtip jong phi pynlang ïa ka jingsynshar ïa lade; ha ka jingsynshar ïa lade pynlang ïa ka jingïaishah; ha ka jingïaishah pynlang ïa ka jinglong riewblei;

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.