HEBRU 11:6 - Khasi CL Bible (BSI)

⁶ Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

KA BAIBL

⁶ hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

HEBRU 11:6 Mawu Ofanana

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

Ka Kitab U Job 21:14

Ki bymman ki ong ïa U Blei ba un ieh ïa ki ha la ka mon jong ki; kim kwah ban tip ïa ka mon jong u ha ka jingim jong ki.

SALM 106:24

Nangta ki la kyntait ïa ka ri kaba itynnat, namar ba kim ngeit ïa ka jingkular U Blei.

SALM 119:10

Da ka dohnud jong nga baroh nga pyrshang ban shakri ïa me; to sumar ïa nga na ka jingbymkohnguh ïa ki hukum jong me.

SALM 58:11

Ki briew kin ong, “Kiba hok da shisha ki la ïoh ïa ka bainong; da shisha don U Blei uba bishar ïa ka pyrthei.”

SALM 73:28

Hynrei ïa nga, katno kaba phylla ban don hajan U Blei, ban shem ka jingïada bad U Trai U Nongsynshar bad ban pynbna ïa baroh kaba u la leh!

SALM 78:22

namar kim don jingshaniah ha u bad ba kim shym ngeit ba un pynim ïa ki.

SALM 78:32

Nalor kane baroh, ki briew ki dang ïai leh pop; nalor ki kambah jong u, kim shym la shaniah ïa u.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 20:12

Hynrei U Trai u la sneng tyngeh ïa u Moses bad u Aaron. U ong “Namar ba phim don ka jingngeit kaba skhem ban pynpaw ïa ka bor bakhuid jong nga ha khmat ki paid Israel, phin ym ïoh ban ïalam ïa ki sha ka ri kaba nga la kular ban ai ha ki.”

MATHAÏOS 11:26

Ho-oid, Ko Kpa, kane ka la long kumno me la kwah ïa ka ba kan jia.

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MARKOS 16:17

Ïa kiba ngeit yn ai ka bor ban leh ïa ki kambah: Kin beh noh ïa ki ksuid ha ka kyrteng jong nga; kin kren ha ki thylliej kiba pher;

LOUKAS 12:31

Pynban, to pyrkhat ïa ka Hima jong u, bad un pyndap ïa phi da kine kiei kiei.”

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

Ka Shithi U Paul Sha Ki Nong Rom 10:14

Hynrei kumno kin lah ban khot kyrpad ïa u na ka bynta ka jingïarap lada kim shym la ngeit? Bad kumno kin lah ban ngeit lada kim shym la ïohsngew ïa ka khubor? Bad kumno ki lah ban ïohsngew lada ïa ka khubor ym shym la pynbna?

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

HEBRU 4:6

Kito kiba la ïohsngew nyngkong ïa ka Khubor Babha kim shym ïohpdiang ïa kata ka jingjahthait, namar ba kim shym la ngeit. Ki don, te, kiwei pat ïa kiba la shah ban ïohpdiang ïa ka.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

2 PETROS 1:5

Te namar kane hi ka daw phi dei ban leh ïa kaba bha tam jong phi ban pynlang ïa ka jingbha ha ka jingngeit jong phi; ha ka jingbha jong phi pynlang ïa ka jingtip;

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”