HEBRU 11:38 - Khasi CL Bible (BSI)

³⁸ Ka pyrthei kam shym long kaba bha na ka bynta jong ki! Kum ki nongphetwir ki shang kylleng ha ki ri shyiap bad sha ki lum, ki da shong ha ki krem bad ha ki thliew kiba don ha ka khyndew.

KA BAIBL

³⁸ (ïa kiba ka pyrthei kam bit ban ïoh), ki da ïaid sakma ha ki ri khlaw bad ki lum, bad ki krem bad ki thliew ka khyndew.

HEBRU 11:38 Mawu Ofanana

1 SYIEM 17:3

“Mihnoh na kane ka jaka bad leit shaphang mihngi, bad leit rieh ïa lade hajan ka wahduid Kherith, kaba sha mihngi jong ka Jordan.

1 SYIEM 18:13

Phim shym ïohsngew ba katba ka Jesebel ka dang pynïap ïa ki nongïathuhlypa jong U Trai, nga la buhrieh shispah ngut na ki ha ki krem, ha ki ar kynhun kiba sanphew ngut kawei kawei ka kynhun, bad pynbiang jingbam bad um ïa ki?

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:9

Hangta u la rung shapoh krem bad sahmiet hangta. Kynsan kynsan U Trai u kren ha u, “Elijah me leh aïu hangne?”

ISAÏAH 57:1

Ki briew kiba bha ki ïap, bad ym don uba sngewthuh lane wat ban suidñiew. Hynrei haba ki ïap, yn ym don jingjynjar shuh ki ban ktah ïa ki.

JEREMAÏAH 41:9

Ka pukri ha kaba u Ishmael u la bret ïa ki metïap jong kita ki rangbah kiba u la pynïap ka long kaba heh bha kaba u syiem Asa u la tih mynba u la shah tur ïaleh ha u Baasha, u syiem ka Israel. U Ishmael u la pyndap ïa kata ka pukri da ki metïap.

NONGBISHAR 6:2

Ki Midian ki long kiba kham khlaiñ ban ïa ki Israel, bad ki paid Israel ki rieh ïa lade na ki ha ki krem bad ha kiwei pat ki jaka bashngain ha ki lumrit.

1 SAMUEL 22:1

U Dabid u phet krad na ka nongbah Gath bad u leit sha ka krem hajan ka nongrit Adullam. Haba ki hynmen shynrang jong u bad kiwei pat ki ba-ha-ïing ha-sem jong u ki tip ba u don hangta, ki la ïasoh bad u.

1 SAMUEL 23:15

U Dabid u ïohi ba U Saul u wad ban pynïap ïa u. U Dabid u don ha Horesh, ha ka ri khlaw hajan ka Siph.

1 SAMUEL 23:19

Katto katne ngut ki briew na Siph ki la leit sha u Saul ha Gibeah bad ki ong, “U Dabid u rieh ha ka ri jong ngi ha Horesh halor u Lum Hakhilah, ha ka phang bashathie jong ka ri khlaw Judia.

1 SAMUEL 23:23

Wad bha ïa ki jaka ha kiba u rieh, bad da kynmaw ban wanrah khubor beit beit sha nga. Te ngan sa leit bad phi; bad lada u dang don ha kata ka thain, ngan kthong ïa u, wat la nga hap ban wad ha ka ri Judah baroh kawei.”

1 SAMUEL 26:1

Ki rangbah na Siph ki wan sha u Saul ha Gibeah bad ki ïathuh ha u ba u Dabid u dang rieh ha u Lum Hakhilah ha tduh jong ka ri khlaw Judia.