HEBRU 11:37 - Khasi CL Bible (BSI)

³⁷ La lynthem maw ïa ki, la ot arliang ïa ki, la pynïap ïa ki da ka waitlam. Ki la ïaid kylleng, ki da phong da ki jaiñ snieh langbrot lane snieh blang — ha ka jingduk, ha ka jingshah pynshitom, bad ha ka jingshah lehbeiñ.

KA BAIBL

³⁷ la lynthem maw ïa ki, la ot ar liang da ka kurat ïa ki, la pynshoi ïa ki, la pynïap ïa ki da ka waitlam; ki la ïaid kylleng ha ki snieh langbrot, bad ha ki snieh blang; ba kyrduh, ïa kiba la pynshitom sat, ïa kiba la lehbeiñ,

HEBRU 11:37 Mawu Ofanana

2 SAMUEL 12:31

bad u la pyntrei ïa ki briew jong ka ha ki kurat, ki mohkhiew, bad ki sdie nar, bad u la pynbor ïa ki ban trei ha kaba shna maw-it. U la leh kumjuh ïa ki briew jong kiwei pat ki nongrit jong ka Ammon baroh. Nangta ma u lem bad ki rangbah jong u ki la leit phai sha Jerusalem.

1 SYIEM 18:13

Phim shym ïohsngew ba katba ka Jesebel ka dang pynïap ïa ki nongïathuhlypa jong U Trai, nga la buhrieh shispah ngut na ki ha ki krem, ha ki ar kynhun kiba sanphew ngut kawei kawei ka kynhun, bad pynbiang jingbam bad um ïa ki?

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:1

U syiem Ahab u ïathuh ha ka Jesebel ka tnga jong u ïa baroh kaba u Elijah u la leh bad kumno ba u la pynïap lut ïa ki nongïathuhlypa u Baal.

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:13

Haba u Elijah u la ïohsngew ïa ka, u tap ïa la ka khmat da la ka barandi bad u leit ban ïeng ha khmat kata ka krem. Ka sur kaba kren ha u, “Elijah, me leh aïu hangne?”

1 SYIEM 19:14

U jubab, “A Trai U Blei Badonbor Baroh, nga la shakri borabor ïa me — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:19

U Elijah u la mihnoh bad shem ïa u Elisha ba u dang pynlur ïa shi jur ki masi dab; la don khatwei jur ki masi dab kiba don ha ki lyngkor ha khmat jong u, bad u dang pynlur ïa kiba khatduh. U Elijah u la law noh ïa la ka barandi bad u la pynkup ha u Elisha.

1 SYIEM 21:10

Pynshong ar ngut ki riewrunar ban mudui pyrshah ïa u, ba u la tim ïa U Blei bad ïa u syiem jong u. Nangta sei ïa u shabar ka nongbah bad lynthem maw ïa u haduh ba un da ïap.”

2 SYIEM 1:8

“U phong ka jingkup kaba la shna na ki snieh mrad, ïa kaba la teh da u panpoh snieh,” ki jubab. “U dei u Elijah!” u syiem u la ong jam.

2 SYIEM 2:13

Nangta u tam ïa ka jaiñkup jong u Elijah kaba la hap na u, bad u leit phai bad ïeng harud ka Jordan.

2 SYIEM 2:8

Nangta u Elijah u shim ïa ka jaiñkup jong u, u kli ïa ka, bad u tied ïa ka um da ka; ka um ka la kad arliang, bad ma u lem bad u Elisha ki la jam sha shiliang ha ka dewryngkhiang.

1 KHRONIKL 20:3

U rah ïa ki briew jong ka nongbah bad pyntrei ïa ki ha ki jaka ot dieng, jaka shna mohkhiew bad sdie. U leh kumjuh ïa ki briew jong kiwei ki shnong ka ri Ammon. Nangta ma u bad ki rangbah jong u ki wan phai sha Jerusalem.

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 26:23

Ki la wallam pat ïa u sha u syiem Jehoïakim, uba la phah pynïap ïa u bad ïa ka met jong u la bret sha ka jaka tep paidbah.)

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MATHAÏOS 21:35

Ki nongshimwai ki la kem ïa ki mraw jong u, ki shoh ïa uwei, ki pynïap ïa uwei pat, bad ki la lynthem maw ïa uwei pat.

MATHAÏOS 3:4

Ïa ki jaiñ jong U Ïoannis la shna da u shñiuh jong ka ut; u la panpoh da u panpoh snieh ha ka syngkai jong u, bad ka jingbam jong u ka la long da ki puit bad ka ngap khlaw.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

KI KAM 14:19

Katto katne ngut ki Jiw ki la wan na Antiokh kaba ha Pisidia bad na Ikoniom; ki la ïoh ïa u paidbah sha ka liang jong ki, ki la lynthem maw ïa u Paul bad ki la paring ïa u shabar shnong, da kaba pyrkhat ba u la ïap.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

HEBRU 11:25

U la kham jied ban shahshitom bad ki briew jong U Blei ban ïa kaba lehkmen ha ka pop katto katne por.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”