HEBRU 11:36 - Khasi CL Bible (BSI)

³⁶ Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.

KA BAIBL

³⁶ hynrei, kiwei pat ki la ïoh ka jingtynjuh da ki jingrkhiebeiñ sat bad ki jingsympat, shisha nalor kata, da ki jingkhum bad ka jingset byndi:

HEBRU 11:36 Mawu Ofanana

JENESIS 39:20

bad u la phah kem ïa u Joseph bad u set ïa u ha ka byndi ha ka jaka ba la set ïa ki koidi jong u syiem, bad hangta la pynsah ïa u.

1 SYIEM 22:24

Nangta u Sedekaïah u nongïathuhlypa u leit kiew sha u Mikaïah, u thab ïa u na ka ngab jong u, bad kylli, “Naduh mynno u mynsiem jong U Trai u iehnoh ïa nga bad u kren ha me?”

1 SYIEM 22:27

Ong ïa ki ban thep byndi ïa u, bad ban ai kpu bad ka um ïa u haduh ba ngan da wan phai suk.”

2 SYIEM 2:23

U Elisha u mihnoh na Jerikho ban leit sha Bethel, bad ha lynti katto katne ngut ki khynnah shynrang ki wan mih na ka shnong bad ki leh biria ïa u, “Khie phet noh nangne, ko syllen!” ki la pyrta.

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 18:26

Ong ha ki ban thep ïa u ha ka byndi bad ban ai ha u ïa u kpu bad ka um haduh ba ngan da wan phai khlem shah pynïap.”

2 KHRONIKL 30:10

Ki nonglamktien ki la leit sha kawei pa kawei ka nongbah ha ka ri jong ki jait Ephraim bad Manasseh, bad shaduh shaphang shatei sha ka jait Sebulun; hynrei ki briew ki rkhie bad ñiewbeiñ ïa ki.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

JEREMAÏAH 20:2

u la hukum ba yn tied ïa nga bad ban pyndait kynjri hajan ka Khyrdop Benjamin bashaneng hapoh ka Templ.

JEREMAÏAH 20:7

A Trai me la shukor ïa nga, bad ïa nga la shukor. Me long uba kham khlaiñ ban ïa nga, bad me la jop ïa nga. Uwei pa uwei u rkhiebeiñ ïa nga; ki krenbeiñ ïa nga baroh shi sngi.

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 32:8

Te kumba U Trai u la ong, u Hanamel u la wan sha nga hangta ha ka phyllaw bad u la ong ïa nga ba ngan thied ïa ka lyngkha. Kumta nga sngewthuh ba U Trai u la kren shisha ha nga.

JEREMAÏAH 36:6

Hynrei nga kwah ïa me ban rung hangta ha kawei pat ka sien ba ki briew kin ïashahjingit. Men pule jam na ka kot kli, khnang ba kin ïohsngew ïa kiei kiei baroh ba U Trai u la lah ong ha nga bad ba nga la dep phah thoh ha me. Leh ïa kane ha ka jaka ba baroh ki lah ban ïohsngew ïa me, kynthup ïa ki paid Judah kiba la wan rung shapoh na ki shnong jong ki.

JEREMAÏAH 38:28

Bad ïa nga la buh ha ka phyllaw jong ka ïingsyiem haduh ka sngi ba la kurup ïa ka Jerusalem.

JEREMAÏAH 39:15

Katba ïa nga la dang set byndi ha ka phyllaw ka ïingsyiem, U Trai u la ong ïa nga

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

MATHAÏOS 20:19

Kin pynrem ïa u sha ka jingïap bad kin aiti ïa u ha ki Jentil, ki ban krenbeiñ ïa u, kin sympat ïa u, bad kin sahnarphna ïa u; hynrei hadien lai sngi yn sa pynmihpat ïa u.”

MATHAÏOS 21:35

Ki nongshimwai ki la kem ïa ki mraw jong u, ki shoh ïa uwei, ki pynïap ïa uwei pat, bad ki la lynthem maw ïa uwei pat.

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

MATHAÏOS 27:26

Nangta u Pilat u la pyllait ïa u Barabbas na ka bynta jong ki; bad hadien kata, u la phah sympat ïa U Jisu, u la aiti ïa u ban sahnarphna.

MARKOS 10:34

ki ban sa rkhiebeiñ ïa u, kin bynthiew halor jong u, kin sympat ïa u, bad pynïap ïa u; hynrei hadien lai sngi un sa mihpat.”

LOUKAS 18:32

Ïa u yn sa aiti noh ha ki Jentil, ki ban ibeiñ ïa u, krenbeiñ ïa u bad bynthiew ïa u.

LOUKAS 23:11

U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

LOUKAS 23:36

Ki shipai ruh ki la krenbeiñ ïa u: Ki la wan sha u bad ki la tyrwa ha u ïa ka waiñ bym bha, bad ki la ong,

KI KAM 21:33

U rangbah ai hukum u la leit sha u Paul, u la kem ïa u, bad u la hukum ban teh ïa u da ar tylli ki kynjri. Nangta u la kylli, “Uei une u briew, bad u la leh aïu?”

KI KAM 24:27

Hadien, ar snem ki la leit, u Porsius Phestos u la shim ïa ka jaka jong u Pheliks kum u lyngskor. U Pheliks u la kwah ban ïoh ïa ka jingsngewbha jong ki Jiw, kumta u la iehnoh ïa u Paul ha ka byndi.

KI KAM 4:3

Kumta ki la kem ïa ki bad ki la buh ïa ki ha phatok haduh ka sngi kaba bud, namar ba ka la dier eh.

KI KAM 5:18

Ki la kem ïa ki apostol bad ki la set ha ka phatok.

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 8:3

Hynrei u Saul u la pyrshang ban pynjot ïa ka balang, da kaba leit na kawei ka ïing sha kawei pat, u da paring shabar ïa ki riewngeit, shynrang bad kynthei, bad u la thep ïa ki sha ka ïingbyndi.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

2 TIMOTHI 1:16

To U Trai un pyn-i ïa ka jinglehisynei ha ka longïing u Onesiphoros, namar ba u la pyntngen ïa nga bunsien.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.