HEBRU 11:34 - Khasi CL Bible (BSI)

³⁴ Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

KA BAIBL

³⁴ ki la pynlip ïa ka bor ka ding, ki la lait na ka syrti waitlam, ha ka jingtlot la ai bor ïa ki, ki la nang ïoh bor ha ki jingïaleh thma, ki la pynphet ïap ïa ki paidïapom jong ki nongwei.

HEBRU 11:34 Mawu Ofanana

1 SYIEM 19:1

U syiem Ahab u ïathuh ha ka Jesebel ka tnga jong u ïa baroh kaba u Elijah u la leh bad kumno ba u la pynïap lut ïa ki nongïathuhlypa u Baal.

1 SYIEM 19:3

U Elijah u la sheptieng bad u la phet ban pyllait im ïa lade; u shim ïa u shakri jong u bad leit noh sha Beersheba kaba ha Judah. Da kaba iehnoh ïa u shakri hangta,

2 SYIEM 6:1

Ha kawei ka sngi, ka kynhun ki nongïathuhlypa ha kaba u Elisha u dei peit ïa ki, ki ud ha u, “Ka jaka ha kaba ngi shong ka long kaba rit than eh!

2 SYIEM 6:32

Bad u la phah ïa u nonglamktien ban wallam ïa u Elisha. Ha kajuh ka por, u Elisha u don ha ïing lem bad katto katne ngut ki tymmen ki san kiba dang wan jngoh ïa u. Shuwa ba u nonglamktien jong u syiem un poi, u Elisha u ong ha kita ki tymmen ki san, “Uto u nongpynïap u la phah briew ban pynïap ïa nga! Mynta, ynda uta u briew u poi hangne, khang ïa ka jingkhang bad wat shah ba un rung hapoh. U syiem da lade un wan nadien jong u.”

Ka Kitab U Job 42:10

Nangta, hadien ba u Job u la duwai na ka bynta ki lai ngut ki paralok jong u, U Trai u la pynriewspah biang ïa u bad u la ai ha u ar shah ban ïa kaba u la don mynshuwa.

Ka Kitab U Job 5:20

haba ka 'nemsniew ka wan jia, un ri pynim ïa me, bad ha ka thma un ïada ïa me na ka jingïap.

SALM 124:7

Ngi la lait im kum ka sim na ka jingriam u nongriam sim; ka jingriam ka la pra, bad ngi la laitluid!

SALM 144:10

Me ai jingjop ïa ki syiem bad me pyllait ïa u shakri jong me u Dabid.

SALM 6:8

Kiar noh na nga, phi ki riewbymman! U Trai u shahshkor ïa ka jingïam jong nga;

SALM 66:12

Me la shah ïa ki nongshun jong ngi ban ïuh halor jong ngi; ngi la ïaid lyngba ïa ka ding bad ka jingshlei um, hynrei mynta me la wan ïalam ïa ngi sha ka jaka kaba shngain.

EKSODOS 18:4

U la ong ruh, “U Blei jong u kpa jong nga u la ïarap ïa nga bad u la pyllait ïa nga na kaba shah pynïap ha u Pharaoh”; kumta u khot kyrteng ïa uwei pat u khun “u Elieser”.)

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

1 PETROS 4:12

Ko ki paralok ba-ieit jong nga, to wat sngewphylla ïa ka jingtynjuh ba-eh kaba phi shahshitom, kumba kiei kiei kiba khyllah ki wan jia ha phi.

NONGBISHAR 15:8

U tur ïaleh ïa ki khlem riej bad u pynïap shibun na ki. Nangta u leit bad u sah ha ka krem mawsiang ha Etam.

1 SAMUEL 18:11

“Ngan sum ïa u ha ka kynroh,” u Saul u ong ha lade, bad u kawang ïa u sum ha u ar sien; hynrei ha baroh ar sien u Dabid u kynriah.

1 SAMUEL 19:10

U Saul u thmu ban sum ïa u Dabid ha ka kynroh, hynrei u Dabid u kynriah, bad uta u sum u sahkut ha ka kynroh. U Dabid u phet ïap bad u lait im.

1 SAMUEL 20:1

Nangta u Dabid u phet na Naïoth kaba ha Ramah bad u leit sha u Jonathan. “Kaei kaba nga la leh?” u kylli. “Ka kam sniew aïu nga la leh? Ka kam palat aïu nga la leh ïa i pa jong phi ba i da thmu ban pynïap ïa nga?”