HEBRU 11:23 - Khasi CL Bible (BSI)

²³ Dei ka jingngeit kaba pynlong ïa ki kmie ki kpa u Moses ban buhrieh ïa u lai bnai hadien ba la kha ïa u. Ki la ïohi ba u la long u khunlung uba bhabriew, bad kim shym la sheptieng ban pynkheiñ ïa ka hukum u Pharaoh.

KA BAIBL

²³ Da ka jingngeit, ïa u Moses haba la kha ïa u, la buhrieh da ki kmie ki kpa jong u lai bnai, naba ki la ïohi ba u long u khunlung babha lymphuin; bad kim shym sheptieng ïa ka hukum u syiem.

HEBRU 11:23 Mawu Ofanana

SALM 118:6

U Trai u don bad nga, ngan ym sheptieng; u briew un lah leh aïu ïa nga?

SALM 56:4

Nga shaniah ha U Blei bad ngam sheptieng; nga ïaroh ïa u na ka bynta kaei kaba u la kular. U briew un lah ban leh aïu ïa nga?

EKSODOS 1:16

“Haba phi ïarap pynkha ïa ki kynthei Hebru, bad phi ïohi ba u dei u shynrang, pynïap ïa u; hynrei lada dei ka kynthei, ai kan im.”

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

DANIEL 6:10

Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

KI KAM 7:20

Ka la long ha kane ka por ba la kha ïa u Moses, u khunlung uba bhabriew haduh katta katta.

HEBRU 13:6

To ngin long shlur, te, bad ong, “U Trai u long u nongïarap jong nga, ngan ym sheptieng. Uei uba lah ban leh ei ei ïa nga?”