HEBRU 11:16 - Khasi CL Bible (BSI)

¹⁶ Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

KA BAIBL

¹⁶ Hynrei, mynta, ki ïakwah ïa ka ri ba kham bha, kata ka long kaba kynja bneng; naba kumta, U Blei um sngewlehrain ïa ki, ba yn khot ïa u, “U Blei jong ki”; namar u la khreh ka nongbah ïa ki.

HEBRU 11:16 Mawu Ofanana

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 4:5

U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MARKOS 12:26

Mynta, na ka bynta kita kiba la ïap ki ban sa mihpat: Hato phim pat ju pule ha ka Kitab u Moses ïa ka bynta kaba dei shaphang ka 'lawlynnong kaba ing? Hangto la thoh ba U Blei u la ong ïa u Moses, ‘Nga long U Blei jong u Abraham, U Blei jong u Isaak bad U Blei jong u Jakob.’

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 20:37

Bad u Moses u pynshisha da kaba shai ba ïa kiba ïap la pynmihpat. Ha ka bynta shaphang ka 'lawlynnong kaba ing u kren shaphang U Trai kum ‘U Blei jong u Abraham, U Blei jong u Isaak, bad U Blei jong u Jakob.’

ÏOANNIS 14:2

Don shibun ki kamra ha ka ïing U Kpa jong nga, bad ngan leit ban pynkhreh ka jaka ïa phi. Ngan ym jin da la ïathuh ïa phi lada kam long kumta.

KI KAM 7:32

‘Nga long U Blei jong ki kpa tymmen jong me, U Blei jong u Abraham, u Isaak bad u Jakob.’ U Moses u la khynñiuh da ka jingsheptieng bad um shym la nud ban peit.

PHILIPPI 3:20

Ma ngi pynban, ngi long ki traishnong jong ka bneng, bad ngi ïa-ap hir hir ïa U Nongpynim, U Jisu Khrist uba U Trai ban wan na bneng.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 11:10

Naba u Abraham u la ap khmih ïa ka nongbah kaba U Blei u la pynwandur bad u la tei, ka nongbah kaba don ki nongrim baneh.

HEBRU 11:14

Kito kiba ong ïa kita kiei kiei, ki ong shai ba ki ïawad ïa ka ri la ka jong hi.

HEBRU 11:40

Namar ba U Blei u la pynkhreh lypa ïa kaei kaei kaba kham bha na ka bynta jong ngi. Ka jingthmu jong u ka la long ba tang ha ka jingïadon ryngkat bad ngi ba yn pynjanai ïa ki.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

HEBRU 13:14

Naba ym don ka nongbah kaba ïaineh na ka bynta jong ngi hangne ha pyrthei, ngi ap khmih ïa ka nongbah ka ban sa wan.

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.