HEBRU 11:13 - Khasi CL Bible (BSI)

¹³ Dei ha ka jingngeit ba kine ki briew baroh ki la ïap. Kim shym la ïohpdiang ïa kiei kiei ïa kiba U Blei u la kular, hynrei na sha jngai ki ïohi ïa ki bad ki pdiang sngewbha ïa ki, bad ki la pynbna paidbah ba ki la long ki nongwei bad ki sohshnong ha kane ka pyrthei.

KA BAIBL

¹³ Kine baroh ki la ïap noh ha ka jingngeit, ha bym pat pdiang ïa kita ki jingkular, hynrei, ba la ïohi ïa ki, bad la khublei ïa ki na jngai, ba la ïaphla ba ki la long ki nongwei bad ki sohshnong ha kane ka pyrthei.

HEBRU 11:13 Mawu Ofanana

JENESIS 21:34

U Abraham u la shong slem hangta ha Philistia.

JENESIS 23:4

“Nga long u nongwei uba im hapdeng jong phi; die ïa nga khyndiat ka jaka ba ngan ïoh ban tep ïa la ka tnga.”

JENESIS 47:9

U Jakob u jubab, “Ha ka jingim jong nga kaba ïaidwir nawei shawei nga la dap shispah laiphew snem. Kita ki snem ki long kiba khyndiat bad kiba eh, ym kum ki snem kiba jrong ba ki kpa tymmen jong nga ki la pynlut ha ka jingïaid wir.”

JENESIS 48:21

Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

JENESIS 49:18

“Ko Trai, nga ap ïa ka jingpyllait im jong me.

JENESIS 49:28

Kine ki long kita ki khat-ar jait Israel, bad kane ka long kaba u kpa jong ki u la ong katba u ai ïa ki kyntien khatduh kiba ïadei bad uwei pa uwei u khun.

JENESIS 49:33

Ynda u Jakob u la dep sneng ïa la ki khun, u thiah noh, bad u la ïap.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

Ka Kitab U Job 19:25

Hynrei nga tip ba don ha bneng u ban wan ha kaba khatduh ban pynksan ïa nga.

SALM 119:19

Nga don hangne ha ka pyrthei tang shipor; wat buhrieh ïa ki hukum jong me na nga.

SALM 39:12

To sngew ïa ka jingduwai jong nga, A Trai, bad to shahshkor ïa ka jingkyang jong nga; wan ban ïarap ïa nga haba nga ïam. Kum ki kpa tymmen jong nga baroh nga long tang u nongshong basa shipor jong me.

EKSODOS 2:22

U Moses u ong ha lade, “nga long u sohshnong ha kane ka ri, bad kumta nga kyrteng ïa u, u Gershom.”

LEBITIKOS 25:23

Phim dei ban die duh ïa ka khyndew, namar phim long trai ïa ka; ka long ka jong U Blei, bad phi long kum ki nongwei ïa kiba la shah ban pyndonkam ïa ka.

JINGKHEIÑ 10:30

U Hobab u jubab, “Em, ngan leit phai noh sha la ka ri.”

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

MATHAÏOS 13:17

Nga pynthikna ïa phi ba bun ki nongïathuhlypa bad bun ki briew ki jong U Blei ki la kwah shikatdei eh ban ïohi ïa kaei kaba phi ïohi, hynrei kim lah ïohi, bad ban ïohsngew ïa kaei kaba phi ïohsngew, hynrei kim shym la lah ïohsngew.

ÏOANNIS 12:41

U Isaïah u la ong ïa kane namar u la ïohi ïa ka burom U Jisu bad u la kren shaphang jong u.

ÏOANNIS 8:56

U Abraham uba long u kpa jong phi u la shadkmen ba u la ïohi ïa ka por jong ka jingwan jong nga; u la ïohi ïa ka bad u la kmen.”

Ka Shithi U Paul Sha Ki Nong Rom 4:21

U la thikna bha ba U Blei un leh ïa kaei kaba u la kular.

Ka Shithi U Paul Sha Ki Nong Rom 8:24

Naba ka long da ka jingkyrmen ba ïa ngi la pynim; hynrei lada ngi ïohi kaei kaba ngi ap kyrmen, te kam da long shisha ka jingkyrmen. Naba uei uta uba kyrmen ïa kaei kaba u ïohi?

2 KORINTH 4:18

Naba ngi pynleit jingmut, ym ha kiei kiei kiba lah ban ïohi, hynrei ha kiei kiei ki bym lah ban ïohi. Kata kaba lah ban ïohi ka neh tang shipor, hynrei kata ka bym lah ban ïohi ka neh junom.

2 KORINTH 5:6

Kumta ngi long borabor kiba dap da ka jingshlur. Ngi tip ba katba ngi dang don ha kane ka met ngi don jngai na ka ïing ka jong U Trai.

EPHESOS 2:19

Kumta te, phi ki Jentil phim long shuh ki nongwei ne ki sohshnong; phi long mynta ki para traishnong bad ki briew jong U Blei bad ki dkhot jong ka longïing U Blei.

HEBRU 11:14

Kito kiba ong ïa kita kiei kiei, ki ong shai ba ki ïawad ïa ka ri la ka jong hi.

HEBRU 11:17

Dei ka jingngeit kaba pynlong ïa u Abraham ban ai kum ka jingkñia ïa u Isaak u khun jong u, mynba U Blei u la tynjuh ïa u Abraham. U Abraham u la long uta ïa uba U Blei u la ïateh kular, la katta ruh u long la kloi ban ai ïa la u khun marwei kum ka jingkñia.

HEBRU 11:27

Dei ka jingngeit kaba la pynlong ïa u Moses ban mihnoh na ka ri Ijipt khlem da sheptieng ïa ka jingbitar u Pharaoh. Ka la long kumba u la ïohi ïa U Blei u bym lah ban ïohi, u la kyntait ban phai dien.

HEBRU 11:39

Ïa kine baroh la buh jingthoh naba ki la jop da ka jingngeit! hynrei kim shym la ïohpdiang ïa kaei kaba U Blei u la kular.

1 PETROS 1:1

Na u Petros, u Apostol U Jisu Khrist — Sha ki briew ba la jied jong U Blei kiba im kum ki nongphetwir kiba la pynsakma kylleng ki probins jong ka Pontos, ka Galatia, ka Kappadokia, ka Asia bad ka Bithynia.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

1 ÏOANNIS 3:19

Kane, te, ka long kumno ngin tip ba ngi long ki jong ka jingshisha; kane ka long kumno ngin sngewskhem ha khmat U Blei.