HEBRU 11:12 - Khasi CL Bible (BSI)

¹² La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.

KA BAIBL

¹² Naba kumta ruh, na uwei, bad uta ruh uba la kylla sdot noh, la mih u paid kat ki khlur bneng ha ka jingbun, bad kum u shyiap uba harud duriaw, bym lah ñiew shuh.

HEBRU 11:12 Mawu Ofanana

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 32:12

Kynmaw ba me la kular ban pynbiang ba kiei kiei kin ïaid beit bad nga bad ban ai ha nga kham bun ki khun ki ksiew, kiba bun kat u shyiap harud duriaw.”

2 SAMUEL 17:11

Ka jingai jingmut jong nga ka long ba phin lumlang ïa ki Israel baroh na kawei ka tduh jong ka ri sha kawei pat, ki ban bun kat u shyiap ka rud duriaw, bad ba ma phi da lade hi phin ïalam ïa ki ha ka thma.

1 SYIEM 4:20

Ki paid Judah bad Israel ki long kiba bun paid kat u shyiap harud duriaw; ki ïabam ki ïadih, bad ki suk ki saiñ.

1 KHRONIKL 27:23

U syiem Dabid um shym shim jingkheiñ ïa kito kiba hapoh arphew snem, namar ka kular jong U Trai ban pynroi ïa ki paid Israel kat ka jingbun ki khlur ha ka sahit bneng.

NEHEMAÏAH 9:23

Me ai ïa ki, ki khun kiba bun kat ki khlur ha sahit bneng, bad me la shah ïa ki ban jop bad ban shong ban sah ha ka ri kaba me la kular ha ki kpa tymmen ban ai ha ki.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

ISAÏAH 10:22

Wat la mynta ki don bun ki paid Israel kumba don ki symboh shyiap harud ka duriaw, tang khyndiat ngut ki ban wan phai pat. La pynap ïa ka jingpynjot na ka bynta ki briew, bad ka long kaba dei ban ïoh pura.

ISAÏAH 48:19

Ki khun ki ksiew jong phi kin roi kum ki symboh shyiap, bad ngan jin da la pynthikna ba yn ym pynjot ïa ki da lei lei.”

JEREMAÏAH 33:22

Ngan pynroi ïa ki nonghiarpateng jong u shakri jong nga u Dabid bad ïa ka jingdon ki lyngdoh na ka jait Lebi, ba kumta yn ym lah ban ñiew ïa ki kumba long ki khlur ha sahit bneng lane u shyiap harud duriaw.”

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

HABAKKUK 1:9

“Ki kynhun shipai jong ki, ki tur jubor sha khmat ban jop, bad uwei pa uwei u la sngewtriem katba ki nang tur. Kiba shah kem ki bun bah kum u shyiap.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

DEUTERONOMI 1:10

U Trai U Blei jong phi u la pynroi ïa phi kat ki khlur ha sahit bneng.

DEUTERONOMI 28:62

Wat la phi bun kat ki khlur ha sahit bneng, tang khyndiat eh na phi phin lait im, namar ba phim shym kohnguh ïa U Trai U Blei jong phi.

JOSHUA 11:4

Kita ki la ïawan lem bad ki shipai jong ki baroh — ka kynhun shipai kaba bun briew kat u shyiap harud duriaw. Ki don ruh shibun ki kulai bad ki kali ïapom.

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.

NONGBISHAR 7:12

Ki Midian, ki Amalek, bad ki jaitbynriew ka ri shyiap ki la saphriang ha ka them kum ka kynhun ki puit, bad ki la don bun bah ki ut kat ki symboh shyiap ka rud duriaw.

1 SAMUEL 12:5

U Samuel u ong ha ki, “U Trai bad u Syiem uba u la jied ki long ki sakhi mynta ka sngi ba phi la shem ba nga long uba lui lui.” “Ho-oid, U Trai u long u sakhi jong ngi,” ki jubab.