HEBRU 10:38 - Khasi CL Bible (BSI)

³⁸ La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

KA BAIBL

³⁸ Hynrei, uta u bahok jong nga un ïai-im da ka jingngeit; hynrei, lada un kynran da dien, ka mynsiem jong nga kam sngewbha shuh ïa u.”

HEBRU 10:38 Mawu Ofanana

2 SAMUEL 22:22

Nga la kohnguh ïa ka aiñ jong U Trai; Ngam shym la phai noh na U Blei jong nga.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

SALM 5:4

Mem long U Blei uba sngewbha ïa ka jingleh bymdei; mem shah ïa kaba sniew ha khmat jong me.

SALM 85:8

Nga shahshkor ïa kaei kaba U Trai U Blei u ong; u kular ïa ka jingsuk ha ngi, ki briew jong u hi, lada ngim leit phai pat sha ki lynti ba-bieit jong ngi.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

ESEKIEL 33:13

Nga lah ban kular ha u briew uba bha, hynrei lada u sdang ban pyrkhat ba ka jingleh babha jong u kaba mynshuwa ka la biang bad u sdang ban leh pop, Ngan ym kynmaw ïa kano kano kaba bha ba u la leh. Un ïap namar ki pop jong u.

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 13:21

Hynrei kam shym ngam jylliew hapoh jong ki, bad kim shym neh slem. Kumta haba ka jingjynjar lane ka jingshah pynshitom beiñ ka wan namar ka khubor, ki iehnoh shisyndon.

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

GALATIA 3:11

Mynta, ka la shai kdar ba ym shym la pynksan ïano ïano ruh ha U Blei da ka Hukum, namar ka Jingthoh Bakhuid ka ong, “Tang uta ïa uba la pynksan ha U Blei da ka jingngeit un im.”

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!

HEBRU 10:39

Ngim long ki briew kiba phai dien bad kiba jot noh. Pynban, ngi don ka jingngeit bad la pynim ïa ngi.

JAKOB 5:6

Phi la pynrem bad phi la pynïap ïa ki briew kiba lui lui, bad kim shym pyneh ïa phi.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.