HEBRU 10:37 - Khasi CL Bible (BSI)

³⁷ Naba ka Jingthoh Bakhuid ka ong, “Namar sa tang shibit eh, bad uta uba wan un wan; un ym slem shuh.

KA BAIBL

³⁷ Namar sa tang shibit eh, “Uta uba wan un wan, bad un ym pyntud.

HEBRU 10:37 Mawu Ofanana

ISAÏAH 26:20

To rung shapoh ki ïing jong phi, ko ki briew jong nga, bad to khang ïa ka jingkhang shadien jong phi. To buhrieh ïa lade katto katne por haduh ba ka jingbitar U Blei kan kut.

ISAÏAH 60:22

Wat ka jait ka kynja kaba rit bad ba duk tam kan sa long kaba khraw kum ka jaitbynriew kaba donbor. Haba ka por kaba biang ka la wan, ngan pynjia kloi ïa kine kiei kiei. Nga long U Trai!”

MATHAÏOS 11:3

“Ïathuh ïa ngi,” ki la kylli ïa U Jisu, “phi long ma phi uta uba dei ban wan, ne ngin ïakhmih lynti ïa uwei pat?”

LOUKAS 18:8

Nga ong ha phi, un bishar ha ka liang jong ki bad un leh kloi ïa ka. Hynrei hato U Khun U Briew un shem mo ïa ka jingngeit ha ka pyrthei haba u wan?”

PHILIPPI 4:5

To pynpaw ïa ka jinglong jemnud sha uwei pa uwei baroh. U Trai u la jan wan.

HEBRU 10:25

Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

2 PETROS 3:8

Hynrei to wat klet ïa kane kawei, ko paralok ba-ieit jong nga! Kam don ka jingïapher ha khmat U Trai hapdeng ka shi sngi bad ka shihajar snem; ha u, baroh ar ki long kumjuh.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!