HEBRU 10:36 - Khasi CL Bible (BSI)

³⁶ Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

KA BAIBL

³⁶ Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 10:36 Mawu Ofanana

SALM 37:7

To ïaishah bad ap ïa U Trai ba un trei; wat pynkhuslai namar kito kiba manbha, lane ïa kito kiba jop ha ki buit sniew jong ki!

SALM 40:1

Nga la ap da ka jingïaishah ïa ka jingïarap jong U Trai; te u la shahshkor ïa nga bad u la ïohsngew ïa ka jingkyang jong nga.

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 12:50

Uno uno uba leh ïa kaei kaba U Kpa jong nga uba ha bneng u kwah ïa u ban leh u long u para jong nga, ka para jong nga, bad ka kmie jong nga.”

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

MATHAÏOS 24:13

Hynrei uno uno uba ïeng skhem haduh kaba kut un lait im.

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MARKOS 3:35

Uno uno uba leh ïa kaei kaba U Blei u kwah ïa u ban leh, u long u para jong nga, ka para jong nga, ka kmie jong nga.”

LOUKAS 21:19

To ïeng skhem, bad phin ri pynim ïa lade hi.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

KI KAM 13:36

Naba u Dabid u la shakri ïa ki jingthmu jong U Blei ha ka por jong u; bad nangta u la ïap, la tep ïa u bad ki kpa tymmen jong u, bad ka met jong u ka la pyut hapoh ka jingtep.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 8:25

Hynrei lada ngi kyrmen ïa kaei kaba ngim ïohi, ngi ap ïa kata da ka jingïaishah.

1 KORINTH 13:7

Ka jingieit kam sangeh noh shiteng; bad ka jingngeit, ka jingkyrmen bad ka jingïaishah jong ka kim duh noh.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

EPHESOS 6:6

Leh ïa kane ym tang haba ki khmih ïa phi, namar ba phi kwah ban ïoh ka jingmynjur jong ki; hynrei, leh naduh ka dohnud baroh ïa kaei kaba U Blei u kwah, kum ki mraw U Khrist.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

KOLOSSAI 3:24

Kynmaw ba U Trai un ai ha phi kum ka bainong ïa kaei kaba u la buh na ka bynta ki briew jong u. Naba U Khrist u dei U Kynrad bashisha uba phi shakri.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

HEBRU 11:39

Ïa kine baroh la buh jingthoh naba ki la jop da ka jingngeit! hynrei kim shym la ïohpdiang ïa kaei kaba U Blei u la kular.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

HEBRU 6:17

Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

1 PETROS 1:9

namar phi ïohpdiang ïa ka jingpynim ïa ki mynsiem jong phi, kaba long ka jingthmu jong ka jingngeit jong phi ha U.

1 ÏOANNIS 2:17

Ka pyrthei bad kaei kaei baroh kaba don ha ka, kaba ki briew ki kwah kan sa jah noh; hynrei kito kiba leh ïa ka mon U Blei kin im junom.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.