HEBRU 10:33 - Khasi CL Bible (BSI)

³³ Hateng hateng phi la shah krenbeiñ bad shah lehbeiñ ha kaba paw, bad ha kiwei pat ki por phi long la kloi ban don bynta bad kito kiba la shah leh ha kane kajuh ka rukom.

KA BAIBL

³³ ha kawei, haba la pynlong ïa phi ka jingthadrong da ki jingkrenbeiñ ruh bad da ki jingshah jynjar; bad ha kawei pat, haba phi la jia long ki nongïoh bynta lem bad kita kiba la shah lehbeiñ kumta.

HEBRU 10:33 Mawu Ofanana

SALM 69:9

Ka jingsngewieit jong nga ïa ka Templ jong me ka pluh hapoh jong nga kum ka ding; ki jingrkhiebeiñ kiba la shat ha me ki wan hap ha nga.

SALM 71:7

Ka jingim jong nga ka la long ka nuksa ïa kiba bun, namar me la long ka jingïada bakhlaiñ jong nga.

SALM 74:22

To ïeng, A Blei, bad kyrshan ïa ka jingthmu jong me! To kynmaw ba ki briew bym don blei ki rkhie ïa me baroh shi sngi.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

SALM 89:51

Ki nongshun jong me ki krenbeiñ ïa u syiem ba me la jied, A Trai, ki krenbeiñ ïa u kat shaba u leit.

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

NAHUM 3:6

Ngan leh ïa pha khlem ka jingñiewkor bad tap ïa pha da ka jakhlia. Ki briew kin khmih ïa pha ha ka jingsngew shyrkhei.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

1 KORINTH 4:9

Naba ka paw ha nga ba U Blei u la ai ïa ka jaka bakhatduh tam ha ngi ki Apostol, kum ki briew kiba la rai pynrem ban shah ïap ha khmat u paidbah kum ka jingthadrong ha khmat ka pyrthei baroh kaba dei jong ki angel bad jong u bynriew.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 4:14

Hynrei ka long kaba bha shibun ïa phi ban ïarap ïa nga ha ki jingjynjar jong nga.

1 THESSALONI 2:14

Ko parabangeit jong ngi, kijuh kiei kiei kiba la jia ha phi ki la jia ha ki balang jong U Blei ha Judia, ha ki briew hangta kiba long ki jong U Khrist Jisu. Phi la shah ïa kijuh ki jingpynshitom beiñ na ki briew ki para ri jong phi hi kiba ki la shahshitom na ki Jiw,

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 11:36

Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.

HEBRU 12:4

Naba ha kata ka jingïaleh jong phi pyrshah ïa ka pop, phim pat ïaleh pyrshah haduh ban da shah pynïap.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.