HEBRU 10:30 - Khasi CL Bible (BSI)

³⁰ Namar ngi tip uei uta uba la ong, “Ngan sa pynhiarkput, ngan siew kylliang;” bad uba la ong ruh, “U Trai un bishar ïa la ki briew.”

KA BAIBL

³⁰ Namar ngi ithuh ïa uta uba la ong: “Ka jingpynhiar kput ka long ka jong nga, ngan leh kylliang ma nga.” Pat ruh: “U Trai un bishar ïa la u paidlang.”

HEBRU 10:30 Mawu Ofanana

SALM 135:14

U Trai un kyrshan ïa la ki briew; un sngewsynei ïa la ki shakri.

SALM 50:4

U khot ïa ka bneng bad ka pyrthei kum ki sakhi ban khmih ïa u ba u bishar ïa ki briew jong u.

SALM 94:1

A Trai, me long U Blei uba pynshitom; to pynpaw ïa ka jingbitar jong me!

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ISAÏAH 59:17

Un kup ïa ka hok kum ka jingïada shadem, bad ïa ka bor bapynim kum ka jingda khlieh. U kup ïa lade da ka jingangnud kaba khraw ban buh ryntih ïa kiei kiei bad ban pynshitom bad pynhiarkput ïa ki jingsniew kiba ki briew ki leh.

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

ISAÏAH 63:4

Nga la kut jingmut ba ka por ban pynim ïa ki briew jong nga ka la wan; ka la dei ka por ban pynshitom ïa ki nongshun jong ki.

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 34:17

“Te mynta, ko ka kynhun jong nga; ma nga, U Trai Nongsynshar nga ïathuh ha phi ba ngan bishar ïa kawei pa kawei na phi bad ngan pynkhlad ïa kiba bha na kiba sniew, ïa ki langbrot na ki blang.

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

NAHUM 1:2

U Trai U Blei um lah shah ïa kino kino ki nongïaleh pyrshah; u pynshitom ïa kito kiba ïeng pyrshah ïa u. Ha ka jingbitar jong u, u siew kylliang ïa ki.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

Ka Shithi U Paul Sha Ki Nong Rom 13:4

namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

1 SAMUEL 26:10

Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.