HEBRU 10:28 - Khasi CL Bible (BSI)

²⁸ Uno uno u bymkohnguh ïa ka Hukum u Moses u shah pynïap khlem jingisynei haba la bishar pynrem halor ka sakhi jong ki ar ngut ne bun ki nongsakhi.

KA BAIBL

²⁸ U briew uba la ibeiñ ïa ka hukum u Moses, u ïap noh khlem ka jingisynei da ka ktien ar ngut ne lai ngut ki sakhi:

HEBRU 10:28 Mawu Ofanana

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JINGKHEIÑ 15:36

Kumta ka kynhun baroh kawei ka ïalam ïa u shabar ka jaka shong dara bad la lynthem maw ïa u haduh ba un da ïap, kumba U Trai u la hukum.

MATHAÏOS 18:16

Hynrei lada um sngap ïa me, ïalam uwei ne ar ngut kiwei pat ki briew lem bad me, khnang ba ‘kawei pa kawei ka jingkynnoh lah ban kyrshan da ka jingsakhi jong ki ar lane lai ngut ki sakhi.’

ÏOANNIS 8:17

La thoh ha ka hukum jong phi ba haba ar ngut ki sakhi ki ïamynjur, kaei kaba ki ong ka long kaba shisha.

Ka Shithi U Paul Sha Ki Nong Rom 9:15

Naba u la ong ha u Moses, “Ngan leh-isynei ha uno uno uba nga kwah; ngan sngewsynei ïa uno uno uba nga kwah.”

2 KORINTH 13:1

Kane ka long mynta ka sien kaba lai ba nga wan jngoh ïa phi. Kumba ka Jingthoh Bakhuid ka ong, “Ïa kano kano ka jingmudui dei ban pynksan da ka jingpynshisha da ki ar ngut ki sakhi ne tam ïa kata.”

DEUTERONOMI 19:13

Wat leh-isynei ïa u. Rat noh na Israel kum ïa uta u nongpynïap briew, khnang ba phin manbha.

DEUTERONOMI 19:15

“Kam biang tang uwei u sakhi ban rai pynrem ïa u briew na ka bynta kano kano ka kam palat; la kumno kumno, ar ngut ki sakhi ki dei ban pynsabut ba u briew u leh kam sniew.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:2

Kata ka khubor ïa kaba la pynbna da ki angel ha ki kpa tymmen jong ngi ka long kaba shisha, bad uno uno u bym shym bud ïa ka lane u bym shym kohnguh ïa ka u shah pynshitom kumba ka dei hok ïa u.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.