HEBRU 10:25 - Khasi CL Bible (BSI)

²⁵ Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

KA BAIBL

²⁵ khlem da iehnoh ïa ka jingïaseng lang jong ngi hi, kumba long ka rukom kiwei, hynrei, da ïakyntu paralok hi; bad kata kham tam, katba phi ïohi ïa kata ka sngi ba ka nang jan.

HEBRU 10:25 Mawu Ofanana

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 18:20

Namar haba ar lane lai ngut ki ïawanlang ha ka kyrteng jong nga, nga don hangta lem bad ki.”

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

KI KAM 16:16

Ha kawei ka sngi katba ngi dang ïaleit sha ka jaka duwai, kawei ka shakri samla kaba la don u mynsiem bymman uba la pynlah ïa ka ban ïathuh lypa ïa ka ban sa wan, ka la ïakynduh ïa ngi. Ka la kamai bun ka pisa na ka bynta ki trai jong ka da kaba batai kupar.

KI KAM 2:1

Haba ka sngi Pentekost ka la poi, baroh ki riewngeit ki la ïalumlang ha kawei ka jaka.

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

KI KAM 20:7

Ha ka sngi nyngkong jong ka taïew ngi la ïalumlang na ka bynta ka jingïabam miet. U Paul u la kren ha ki paidbah bad u la ïai kren haduh shiteng synñia, namar ba un sa mihnoh ha ka sngi kaba bud.

Ka Shithi U Paul Sha Ki Nong Rom 12:8

lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

1 KORINTH 11:20

Haba phi ïaseng lang kum ka kynhun, kam dei ka Jingkhawai U Trai ba phi ïabam.

1 KORINTH 14:23

Namarkata lada, ka balang baroh kawei ka ïaseng lang bad baroh ki sdang ban kren da ki thylliej bapher — bad lada ki riewpaidbah lane ki bymngeit ki rung hapoh, hato kin nym ong ba phi la ïalamwir?

1 KORINTH 14:3

Hynrei uta uba pynbna ïa ka khubor U Blei u kren ha ki briew bad u ai ha ki ïa ka jingïarap, ka jingpynshlur, bad ka jingpyntngen.

1 KORINTH 3:13

Bad ïa ka dor ka jingtrei jong uwei pa uwei u briew yn sa ïohi haba ka Sngi U Khrist kan pynpaw ïa ka. Naba ha kata ka Sngi, ka ding kan pynpaw ïa ka jingtrei jong uwei pa uwei; ka ding kan tynjuh ïa ka bad kan pyn-i ïa ka dor bashisha.

PHILIPPI 4:5

To pynpaw ïa ka jinglong jemnud sha uwei pa uwei baroh. U Trai u la jan wan.

1 THESSALONI 4:18

Kumta te, to pynshlur iwei ïa iwei pat da kine ki ktien.

1 THESSALONI 5:11

Bad kumta to pyntngen iwei ïa iwei pat bad to ïarap iwei ïa iwei pat, kumba phi leh mynta.

HEBRU 10:24

To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

HEBRU 10:37

Naba ka Jingthoh Bakhuid ka ong, “Namar sa tang shibit eh, bad uta uba wan un wan; un ym slem shuh.

HEBRU 13:22

Nga kyrpad ïa phi, ko parabangeit jong nga, ban shahshkor bha ïa kane ka khubor ka jingpynshlur; naba kane ka shithi kaba nga la thoh sha phi kam da long kaba jrong eh.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

JAKOB 5:8

Phi ruh phi dei ban long kiba ïaishah. To batskhem ïa ki jingkyrmen jong phi, naba ka sngi ka jingwan U Trai ka la jan.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

2 PETROS 3:11

Namar ba ïa kine kiei kiei baroh yn pynjot ha kane ka rukom, ki briew kiba kumno phi dei ban long?

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

JUDAH 1:19

Kine ki long ki briew kiba pynlong ki jingïapait, kiba shah ïalam ha ki jingkwah ba kynja doh jong ki, ki bym don U Mynsiem.