HEBRU 10:24 - Khasi CL Bible (BSI)

²⁴ To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

KA BAIBL

²⁴ bad to ngin ïapyrkhat ban ïapynkhih paralok ïa ka jingïa-ieit bad ïa ka jingleh babha;

HEBRU 10:24 Mawu Ofanana

SALM 41:1

Suk kito kiba sngewlem ïa kiba duk; U Trai un ïarap ïa ki haba ki hap ha ka jingjynjar.

PROBERB 29:7

U briew uba bha u tip ïa ki hok jong kiba duk, hynrei ki briew basniew kim lah sngewthuh kum ïa kita kiei kiei.

KI KAM 11:29

Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia.

Ka Shithi U Paul Sha Ki Nong Rom 11:4

Kaei ka jubab ba U Blei u la ai ïa u? “Nga la buh na ka bynta jong nga, hynñiew hajar ngut ki rangbah ki bym shym la mane ïa u blei thala, u Baal.”

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

1 KORINTH 10:33

To leh kumba leh ma nga; nga pyrshang ban pynsngewbha ïa baroh ha kiei kiei baroh kiba nga leh, khlem da pyrkhat ïa ka jingbha jong nga hi, hynrei ïa ka jingbha jong kiba bun, khnang ba yn pynim ïa ki.

1 KORINTH 9:22

Hapdeng kiba tlot ha ka jingngeit nga long uba tlot kum uwei na ki, khnang ban jop ïa ki. Kumta nga don ka jingïadei ha baroh ïa ki briew baroh, khnang ba nga lah ban pyllait katto katne na ki da ki lad baroh kiba don.

2 KORINTH 8:8

Ngam buh ïa kino kino ki aiñ. Hynrei da kaba pyn-i kumno kiwei ki kloi ban ïarap, nga pyrshang ban wad katno ka jingieit jong phi hi ka long kaba shisha.

2 KORINTH 9:2

Nga tip ba phi mon sngewbha ban ïarap, bad nga la kob sarong ïa phi ha ki briew ha Makedonia. “Ki parabangeit ha Akhaïa” nga la ong, “ki la kloi ban ïarap naduh ka snem kaba la dep.” Ka jinglong ba la kloi jong phi ka la pynkhih ïa kiba bun na ki.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 THESSALONI 5:11

Bad kumta to pyntngen iwei ïa iwei pat bad to ïarap iwei ïa iwei pat, kumba phi leh mynta.

2 THESSALONI 3:9

Ngi la leh ïa kane, ym namar ba ngim don ka hok ban dawa jingkyrshan ïa ngi; ngi la leh ïa ka, ban long ka nuksa na ka bynta jong phi ban bud.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

TITOS 2:4

Ki dei ban hikai ïa kaei kaba bha, khnang ba ki lah ban hikai ïa ki kynthei ba dang kham samla ban ieit ïa la ki tnga bad ki khun,

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 13:1

To ïaineh ha kaba ïa-ieit iwei ïa iwei kum ki parabangeit.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.