HEBRU 10:23 - Khasi CL Bible (BSI)

²³ To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

KA BAIBL

²³ to ngin ïabat skhem ïa kata ka jingphla ka jingkyrmen jong ngi ba kan ym khih shuh (namar ïa uba lah ban shaniah keiñ, long uta uba la kular);

HEBRU 10:23 Mawu Ofanana

SALM 26:1

To pynbna ba nga long uba lui lui, A Trai, namar nga leh ïa kaba dei bad nga shaniah lut ha me.

SNGEWSYNEI 3:23

Ka pyngngad kum ka step, ka thikna kum ka jingmih ka sngi.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

2 KORINTH 9:13

Bad namar ka jingpynshisha ïa kaba kane ka jingshakri jong phi ka wallam, bun ki ban ai burom ïa U Blei na ka bynta ka jingïaineh jong phi ha ka gospel U Khrist, ïa kaba phi ïaphla, bad ïa ka jinglehsbun jong phi ha kaba ïasam bynta lem bad ki bad uwei pa uwei ruh.

1 THESSALONI 5:24

Uta uba khot ïa phi un leh ïa kata, namar u long uba ïaineh.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 11:11

Dei ka jingngeit kaba la pynlong ïa u Abraham ban ïoh long u kpa, wat haba u la tymmen bha bad ka Sarah hi kam lah ban ïoh khun. U la shaniah ba U Blei un bat ïa la ka kular.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JAKOB 1:6

Hynrei haba phi duwai, phi dei ban ngeit bad ban ym artatien da lei lei. Uno uno uba artatien u long kum ka jingat phyllung ha ka duriaw ïa kaba la beh bad ba la pynshad kynting da ka lyer.

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.