HEBRU 10:11 - Khasi CL Bible (BSI)

¹¹ Man la u lyngdoh Jiw, u trei ïa la ka kam man ka sngi bad ai kijuh ki jingkñia man ka por; hynrei kine ki jingkñia kim lah ban kit noh ïa ki pop.

KA BAIBL

¹¹ Te shisha u lyngdoh baroh u ïeng ha la ka sngi u da shakri bad u da ainguh bunsien ïa kita ki jingkñia kijuh, ki bym lah lano lano ruh ban kit noh ïa ki pop;

HEBRU 10:11 Mawu Ofanana

EKSODOS 29:36

Man la ka sngi me dei ban kñia uwei u masi lyngraw kum ka jingkñia, khnang ba yn map ïa ka pop. Kane kan pynkhuid ruh ïa kata ka duwan. Nangta kyllan ïa ka da ka umphniang Olib ban pynkyntang ïa ka.

ISAÏAH 1:11

U ong, “Hato pha pyrkhat ba nga kwah ïa ki jingkñia baroh kiba pha ïai ai ïa nga? Nga la ngiah shoiñ ïa ki langbrot kiba pha thang kum ki jingkñia bad ïa ki khleiñ jong ki jingri kiba bha tam jong pha. Nga la jlep ïa ka snam jong ki masi lyngraw bad ki langbrot bad ki blang.

ESEKIEL 45:4

Kan long ka bynta bakhuid jong ka ri, ba la pynkyrpang na ka bynta ki lyngdoh kiba shakri ïa U Trai ha ka Templ jong u. Kan don ki ïing jong ki bad ka jaka na ka bynta ka Templ.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

MIKAH 6:6

Da-ei ngan wallam sha U Trai, U Blei ka bneng, haba nga wan ban mane ïa u? Hato ngan wallam sha u da ki khun masi bakynsai tam kum ki jingainguh thang?

JINGKHEIÑ 28:24

Ha kajuh ka rukom, ainguh ha U Trai ïa ka jingainguh bam hynñiew sngi lynter, ka jingiw kaba pynsngewbha ïa U Trai. Ainguh ïa kane nalor ka jingainguh bam bad ka jingainguh waiñ kaba man ka sngi.

JINGKHEIÑ 28:3

Kine ki long ki jingainguh bam kiba dei ban wanrah sha U Trai: na ka bynta ka jingainguh thang kaba man ka sngi, ar tylli ki khunlangbrot shynrang kiba shisnem ka rta ki bym don kano kano ka jingduna.

JINGKHEIÑ 29:6

Wanrah ïa kine nalor ka jingainguh thang kaba ju leh ha ka sngi nyngkong jong u bnai lem bad ka jingainguh bam jong ka, bad ïa ka jingainguh thang kaba man ka sngi lem bad ka jingainguh bam bad ka jingainguh waiñ jong ka. Kine ki jingainguh bam ki long ka jingiw kaba pynsngewbha ïa U Trai.

HEBRU 10:1

Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 10:4

Namar ka snam ki masi kyrtong bad ki blang kan ym lah ban kit noh ïa ki pop.

HEBRU 5:1

Ïa uno uno u rangbah lyngdoh la jied napdeng ki parabriew, bad la thung ban shakri ïa U Blei na ka bynta jong ki, ban ai ïa ki jingkñia bad ka jingainguh na ka bynta ki pop.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 8:2

U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 8:4

Lada u don ha ka pyrthei, un ym long satia u lyngdoh, namar don ki lyngdoh kiba ai ïa ki jingainguh katba kum ka Hukum ki Jiw.