EPHESOS 4:3 - Khasi CL Bible (BSI)

³ To ïaleh shitom ban pynneh ïa ka jinglong shi tylli ïa kaba U Mynsiem u ai lyngba ka jingsuk kaba tehsong lang ïa phi.

KA BAIBL

³ da kaba ïaleh minot ban bat ïa ka jinglong kawei jong U Mynsiem ha ka jingkhum ka jingsuk.

EPHESOS 4:3 Mawu Ofanana

1 SYIEM 16:21

Ki briew ka Israel ki ïa-pait: don napdeng jong ki kiba kwah ban pynlong syiem ïa u Tibni u khun jong u Ginath, bad kiwei pat ki kwah ïa u Omri.

EKSODOS 28:32

Ka dei ban don ka thliew ha ka jaka ban phrung ïa ka khlieh, bad suh khylliap ïa ka baroh sawdong kumba leh ïa ka jymphong, khnang ba kan ym kad.

EKLESIASTIS 4:12

Ar ngut ki briew ki lah ban ïada na ka jingtur ïaleh kaba lah ban jop ïa u briew ba tang marwei. U tyllai uba la jyrthiaw da ki lai tylli ki tyllai u long uba jwat ban dkut.

MARKOS 3:24

Lada ka ri ka phiah ïa lade ha ki kynhun kiba ïaleh pyrshah para ma ki, kata ka ri kan kyllon noh.

ÏOANNIS 13:34

Bad mynta nga ai ha phi ka hukum kaba thymmai; to ïa-ieit iwei ïa iwei.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

EPHESOS 4:13

Bad kumta ngin ïawanlang baroh sha kata ka jinglong kawei ha ka jingngeit jong ngi bad ha ka jingtip jong ngi ïa U Khun U Blei; ngin long ki briew kiba rangbah bha, kiba kot shaduh ka rynïeng ka jinglong rangbah pura U Khrist.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

1 THESSALONI 5:13

To ñiewburom shikatdei eh ïa ki bad to ieit ïa ki namar ka kam kaba ki trei. To phin ïalong kiba ïasuk para ma phi.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.