EKSODOS 7:3 - Khasi CL Bible (BSI)

^3-4 Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

KA BAIBL

³ Te ngan pyneh ïa ka dohnud u Pharaoh, bad ngan pynbun ïa ki dak khyllah bad ïa ki jingphylla jong nga ha ka ri Ijipt.

EKSODOS 7:3 Mawu Ofanana

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

SALM 135:9

Hangta u la leh ïa ki kambah bad ki kamphylla ban pynshitom ïa u syiem bad ïa ki rangbah synshar jong u baroh.

SALM 78:12

Katba ki kpa tymmen ki ap khmih, U Blei u la leh ïa ki kambah ha ki pyntha jong ka Soan ha ka ri Ijipt.

EKSODOS 11:10

U Moses bad u Aaron ki la leh ïa kine ki kambah baroh ha khmat u Pharaoh, hynrei U Trai u la pynmutlop ïa u, bad um shym la shah ïa ki Israel ban mihnoh na ka ri jong u.

EKSODOS 11:9

U Trai u la lah ong ha u Moses, “U Pharaoh un ïai kyntait ban shahshkor ïa phi khnang ba nga lah ban leh kham bun ki kambah jong nga ha Ijipt.”

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 4:21

U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 4:29

Kumta u Moses bad u Aaron ki leit sha Ijipt bad ki ïalumlang ïa ki nongïalam baroh jong ki Israel.

EKSODOS 4:7

Nangta U Trai u ong, “Bsuh biang ïa kato ka kti jong me shapoh ka jaiñkup jong me.” U ruh u leh kumta, bad haba u sei ïa ka, u ïohi ba ka la koit pat, kumba ka long mynshuwa.

EKSODOS 7:13

U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

MIKAH 7:15

To leh ïa ki kambah na ka bynta jong nga, A Trai, kumba me la leh ha ki sngi mynba me la wallam ïa ngi na ka ri Ijipt.

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

Ka Shithi U Paul Sha Ki Nong Rom 15:19

da ka bor jong ki kambah bad ki jingphylla, bad da ka bor jong U Mynsiem jong U Blei. Bad kumta, ha ka jingleit baroh shi lynter lynti naduh Jerusalem sha Illyrikom, nga la pynbna pura ïa ka Khubor Babha shaphang U Khrist.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.