EKSODOS 7:19 - Khasi CL Bible (BSI)

¹⁹ U Trai u ong ha u Moses, “Ong ïa u Aaron ban shim ïa la u diengduh bad ban rah ïa u halor ki wah, ki nur-um, bad ki pukri um baroh ha ka ri Ijipt. Ka um kan kylla snam, bad ha ka ri baroh kawei kan don ka snam, wat ha ki khiew dieng bad ki khiew maw ruh.”

KA BAIBL

¹⁹ Bad U Trai u la kren ha u Moses, “To ong ha u Aaron, ‘To shim ïa u diengduh jong me, to kner ruh ïa la ka kti halor ki um ka ri Ijipt, halor ki wah bah jong ki, halor ki wah duid jong ki ruh, bad halor ki pukri jong ki, bad halor ki pung um jong ki baroh de, ba kin kylla snam; bad ba kin long snam ha ka ri Ijipt baroh kawei, ha ki diang dieng bad ha ki diang maw ruh.’ ”

EKSODOS 7:19 Mawu Ofanana

JENESIS 1:10

U la khot kyrteng “Ka Khyndew” ïa kata ka ryngkew, bad ïa kata ka um kaba lang shi jaka u khot kyrteng “Ka Duriaw”. Bad U Blei u la sngewbha ïa kaei kaba u ïohi.

2 SYIEM 4:29

U Elisha u phai sha u Gehasi bad u ong, “Pynkloi! Shim ïa u diengduh jong nga bad khie leit. Wat sangeh ban khublei ïano ïano ba me ïakynduh, bad lada uno uno u khublei ïa me, wat shim por ban jubab. Leit beit sha ka ïing bad buh ïa u diengduh jong nga halor jong u khynnah.”

EKSODOS 10:12

Te U Trai u ong ha u Moses, “Rah ïa la ka kti halor ka ri Ijipt ban wallam ïa ki puit. Kin wan bad bam ïa kaei kaei baroh kaba mih, ïa kaei kaei baroh kaba lait na u phria.”

EKSODOS 10:21

Nangta U Trai u la ong ha u Moses, “Rah ïa la ka kti shajrong ba ka jingdum kaba rben la kumba lah ban tba ïa ka, kan tap ïa ka ri Ijipt.”

EKSODOS 14:16

Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

EKSODOS 14:21

U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

EKSODOS 14:26

U Trai u la ong ha u Moses, “Kner ïa la ka kti halor ka duriaw khnang ba ki um kin ïadait biang bad tyllep ïa ki nong Ijipt bad ïa ki kali ïapom jong ki, bad ïa ki nongñiah.”

EKSODOS 4:9

Lada jia ba kim ngeit ïa kine ki kambah baroh ar, bad lada ki kyntait ban shahshkor ïa kaba me ong, shim khyndiat ka um na ka wah Nile bad theh ïa ka ha ka khyndew. Kata ka um kan sa kylla snam.”

EKSODOS 8:16

U Trai u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.”

EKSODOS 9:33

U Moses u mihnoh na u Pharaoh, u leit shabar ka nongbah, bad u la rah ïa la ki kti ha ka jingduwai ha U Trai. U pyrthat, u phria, bad u slap ki la sangeh.

ISAÏAH 19:10

Ki nongthain jaiñ bad ki nongtrei kiba tbit kin diaw bad kin noh mynsiem.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.