EKSODOS 7:13 - Khasi CL Bible (BSI)

¹³ U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

KA BAIBL

¹³ Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 7:13 Mawu Ofanana

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

EKSODOS 10:1

Nangta U Trai u ong ha u Moses, “Khie leit sha u Pharaoh. Nga la pynmutlop ïa u bad ki rangbah synshar jong u, khnang ba nga lah ban leh ïa kine ki kambah hapdeng jong ki,

EKSODOS 10:20

Hynrei U Trai u pynmutlop ïa u Pharaoh, bad kumta um shym pyllait ïa ki Israel ban leit.

EKSODOS 10:27

U Trai u la pynmutlop ïa u Pharaoh, bad um shym la shah ïa ki ban leit.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 4:21

U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 7:12

Ki la bret ïa la ki diengduh, bad kita ki kylla bseiñ. Hynrei u diengduh jong u Aaron u la nguid ïa ki diengduh jong ki.

EKSODOS 7:14

Nangta U Trai u la ong ha u Moses, “U Pharaoh u long uba mutlop eh bad u kyntait ban shah ïa ki paidbah ban leit.

EKSODOS 7:22

Nangta ki nongleh myntor jong u Pharaoh ki la leh kumjuh da ka myntor jong ki; bad u Pharaoh u dang mutlop hi kumba u long. Kumba U Trai u la lah ong, u Pharaoh u la kyntait ban shahshkor ïa u Moses bad u Aaron.

EKSODOS 8:11

Ma phi, ki rangbah pynïaidkam jong phi, bad ki briew jong phi, phin sa lait na kine ki jakoid, bad kin ym don shuh hangno hangno lait sa tang ha ka wah Nile.”

EKSODOS 8:15

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

EKSODOS 8:28

U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

EKSODOS 9:35

bad kumba U Trai u la lah kren lyngba u Moses, u Pharaoh um shym pyllait ïa ki Israel ban leit.

EKSODOS 9:7

U Pharaoh u phah kylli ïa kaei kaba la jia bad la ïathuh ba na ki jingri jong ki Israel ym don satia kaba ïap. Hynrei u dang mutlop hi bad um shah ïa u paidbah ban leit.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

1 SAMUEL 6:6

Balei phin pyneh ïa la ki dohnud kumba leh u Pharaoh bad ki nong Ijipt? Wat klet kumno U Blei u la pynlong ki bieit ïa ki haduh ba kin da shah ïa ki Israel ban mihnoh na Ijipt.