EKSODOS 34:9 - Khasi CL Bible (BSI)

⁹ U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

KA BAIBL

⁹ Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

EKSODOS 34:9 Mawu Ofanana

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 25:11

To bat ïa ka kular jong me, A Trai, bad map ïa ki pop jong nga, namar ba ki don shibun.

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

SALM 33:12

Suk kata ka jaitbynriew kaba U Blei jong ka U long U Trai; suk kita ki briew kiba u la jied ban long ka jingïohkynti jong u.

SALM 78:62

U la bitar ïa ki briew jong u hi bad u ai ïa ki ban shah pynïap ha ki nongshun jong ki.

SALM 94:14

U Trai un ym iehnoh ïa la ki briew; bad un ym iehnoh ïa kito kiba long ki jong u.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 32:9

Nga tip haduh katno kine ki briew ki long kiba mutlop.

EKSODOS 33:12

U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

JINGKHEIÑ 14:19

Te mynta, A Trai, kat kum ka jingkhraw ka jingieit baïaineh jong me, to map, nga kyrpad na ka bynta ka pop jong kine ki briew kumba me la map ïa ki naduh ba ki la mih na Ijipt.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

DEUTERONOMI 32:9

hynrei ïa ki khun ki ksiew u Jakob u la jied na ka bynta ïa lade.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 9:18

Nangta sa shisien pat nga dem khrup ha khmat U Trai sawphew sngi bad sawphew miet, bad ngam shym la bam ne dih ei ei, namar ba phi la leh pop pyrshah ïa U Trai bad phi la pynbitar ïa u.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

DEUTERONOMI 9:29

Nalor baroh, kine ki long ki briew kiba me la jied ban long ki jong me bad kiba me la wallam noh na ka ri Ijipt da ka bor bad ka jingkhlaiñ jong me.’