EKSODOS 33:14 - Khasi CL Bible (BSI)

¹⁴ U Trai u la ong, “Nga hi ngan leit ryngkat bad me, bad ngan ai ha me ka jingjop.”

KA BAIBL

¹⁴ U te u la ong, “Ka khmat jong nga kan leit lem bad me bad ngan ai ka jingshongthait ruh ïa me.”

EKSODOS 33:14 Mawu Ofanana

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

SALM 95:11

Nga la bitar bad pynlong ka jingsmai kyntang: ‘Phin ym ïohrung da lei lei ha ka ri sha ka jaka ha kaba ngan ai ka jingjahthait ïa phi.’ ”

EKSODOS 13:21

Mynsngi, U Trai u ïaid ha shuwa jong ki ha u rishot lyoh ban kdew lynti ïa ki, bad mynmiet pat u ïaid ha shuwa jong ki ha u rishot ding ban ai jingshai ïa ki, khnang ba ki lah ban ïaid mynsngi bad mynmiet.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

JEREMAÏAH 31:2

Ha ka ri shyiap nga la pyn-i ïa ka jingisynei ïa kito ki briew kiba la lait na ka jingïap. Haba ki paid Israel ki la thrang ban ïoh ïa ka jingjahthait, nga la paw ha ki na sha jngai bah.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

DANIEL 12:13

“Bad ma me, ko Daniel, to ïaineh haduh kaba kut. Nangta men sa ïap, hynrei men mihpat ban ïohpdiang ïa ka bainong ha kaba kut jong ka por.”

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

DEUTERONOMI 12:10

Ynda phi jam ïa ka wah Jordan, U Trai un shah ïa phi ban ïohkynti ïa kata ka ri bad un ïada ïa phi na ki nongshun jong phi baroh, ba phin ïoh shongsuk shongsaiñ.

DEUTERONOMI 25:19

Te, ynda U Trai U Blei jong phi u la ai ha phi ïa kata ka ri bad u la pyllait im ïa phi na ki nongshun jong phi baroh kiba shong sawdong jong phi, pynïap lut ïa ki Amalek baroh, khnang ban ym don shuh uba kynmaw ïa ki. Wat klet ïa kane!

DEUTERONOMI 3:20

Ïarap lem ïa la ki para Israel haduh ba kin da ïohkynti ïa kata ka ri ba U Trai u ai ha ki sha sepngi na Jordan bad haduh ba U Trai un shah ba kin im suk im saiñ hangta, kumba u la leh ïa phi hangne. Hadien kata, phi lah ban wan phai sha kane ka ri ïa kaba nga la ai ha phi.

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

JOSHUA 22:4

Mynta, kumba u la kular, U Trai U Blei jong phi u la ai ka jingsuk ha kiwei pat ki para Israel. Kumta, khie leit phai noh sha ïing sha la ka ri kaba phi la kam kynti na ka bynta ïa lade, ka ri ha ka phang mihngi jong ka Jordan, kaba u Moses u shakri jong U Trai u la ai ha phi.

JOSHUA 23:1

Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,