EKSODOS 33:11 - Khasi CL Bible (BSI)

¹¹ U Trai u ïakren markhmat bad u Moses, kumba u briew u ïakren bad la u paralok. Nangta u Moses u leit phai sha ka jaka sher dara. Hynrei u samla, u Joshua u khun jong u Nun, uba long u nongïarap jong u, u shongsah ha ka Ïingjaiñ.

KA BAIBL

¹¹ Te U Trai u la ïakren markhmat bad u Moses, kumba u briew u ju kren bad la u lok. Te u la leit phai noh pat sha kata ka dara; hynrei, u shakri jong u, u Joshua, u khun u Nun, u samla, um shym la kynriah shuh na kata Ka Tabernakl.

EKSODOS 33:11 Mawu Ofanana

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

2 KHRONIKL 20:7

Me long U Blei jong ngi. Mynba u paid Israel jong me u wan sha kane ka ri, me beh krad ïa ki briew kiba shong hangne bad me ai ïa ka ri ha ki khun ki ksiew u Abraham, u paralok jong me, ban long ka jong ki junom.

Ka Kitab U Job 16:21

Nga kwah ban don u ban ïasaid bad U Blei na ka bynta jong nga, kumba u briew u ïasaid na ka bynta u paralok jong u.

EKSODOS 17:9

U Moses u la ong ha u Joshua, “Jied katto katne ngut ki rangbah ki ban leit ïaleh ïa ki Amalek lashai ka sngi. Ngan ïeng ha kliar u lum da kaba bat ïa u diengduh ba U Blei u la ong ïa nga ban rah.”

EKSODOS 24:13

U Moses bad u Joshua u nongïarap jong u ki la khreh, bad u Moses u la leit kiew sha uta u lum uba kyntang.

EKSODOS 32:17

U Joshua u la ïohsngew ïa ki paidbah ba ki ïarisa bad u la ong ha u Moses, “Nga ïohsngew ïa ka jingsawa kumba ïaleh thma ha ka jaka sher dara.”

EKSODOS 33:10

Ki paidbah ki tang shu ïohi ïa uta u rishot lyoh ba u ïeng ha ka jingkhang jong ka Ïingjaiñ, ki dem khrup.

EKSODOS 33:9

Ynda u Moses u la rung shapoh jong ka, u rishot lyoh u wan hiar bad u ïeng ha ka jingkhang jong ka Ïingjaiñ, bad U Trai u kren ha u Moses na uta u lyoh.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

JINGKHEIÑ 11:28

Te u Joshua u khun jong u Nun, uba long u nongïarap jong u naduh ba u dang samla, u ong, “Ko Kynrad, pynsangeh ïa ki!”

JINGKHEIÑ 12:7

Ka pher haba nga ïakren bad u shakri jong nga, u Moses. Nga la buh ïa u ban peit ïa baroh ki briew jong nga, ki Israel.

JINGKHEIÑ 12:8

Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”

ÏOANNIS 11:11

U Jisu u la ong ïa kane bad nangta u pynbud, “U paralok jong ngi u Lasaros u la ïohthiah, hynrei ngan leit bad ngan kyrsiew noh ïa u.”

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

DEUTERONOMI 31:14

Nangta U Trai u ong ha u Moses, “Me te, men ym im slem shuh. Khot ïa u Joshua bad wan ïalam ïa u sha ka Ïingjaiñ khnang ba ngan ai hukum ïa u.”

DEUTERONOMI 34:10

Ym pat ju don u nongïathuhlypa ha Israel uba kum u Moses; U Trai u ïakren bad u markhmat.

DEUTERONOMI 5:4

Hangta halor u lum, U Trai u la kren ha phi markhmat napdeng ka ding.

JAKOB 2:23

Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.