EKSODOS 30:13 - Khasi CL Bible (BSI)

¹³ Uwei pa uwei uba la shah kynthup ha ka jingkheiñbriew u dei ban siew ïa ka dor ba la buh, kat kum ka jingthew ha ka jaka kyntang, uwei pa uwei un siew ïa kane kum ka jingainguh sha nga.

KA BAIBL

¹³ Ïa kane kin sa ai, uwei uwei baroh hapdeng jong kita ba la hap ñiew, shiteng shekel katba kum ka shekel ka jaka kyntang: (ka shekel ka long arphew gerah) ka shiteng shekel kan long kata ka jingainguh ïa U Trai.

EKSODOS 30:13 Mawu Ofanana

JENESIS 23:15

“Ko rangbah, ka khyndew ka shongdor tang sawspah tylli ki sbai rupa — kan long aïu kata hapdeng jong ngi? To tep ïa la ka tnga hangta.”

2 SYIEM 12:4

U Joash u phah khot ïa ki lyngdoh bad u hukum ïa ki ban kynshew ïa ki pisa ba siew ha kaba ïadei bad ki jingkñia ha ka Templ, kaba kynthup ïa ki jingsiew ba dei na ka bynta ki jingkñia ba ju leh bad ka pisa ba ai kum ki jingai sngewbha.

2 SYIEM 12:5

Man u lyngdoh u dei ban kitkhlieh ïa ka pisa ba wanrah da kito kiba u shakri, bad ïa ka pisa dei ban pyndonkam ha kaba shna pynbha ïa ka Templ, katba donkam.

EKSODOS 30:14

Uwei pa uwei uba la shah ñiew ha ka jingkheiñbriew, kata, naduh uba arphew snem shaneng, u dei ban siew sha nga ïa kane ka dor ba la buh.

EKSODOS 38:24

Ka jingkhia jong ka ksiar baroh ïa kaba la pynkyntang sha U Trai na ka bynta ban shna ïa ka Ïingjaiñ ka khia shihajar kilo, kat kum ka jingthew ba la buh da ki bor pynïaid.

EKSODOS 38:26

Kane ka jingkheiñ ka ïabiang bad kata baroh kaba la ai da kito ki briew kiba la shah ñiew khlieh kat kumba la mang ïa ki, bad kiba la thew da ka jingthew jong ki bor pynïaid. Ki rangbah kiba la shah ñiew khlieh kiba naduh arphew snem shaneng, ki don hynriew lakh lai hajar sanspah sanphew ngut.

ESEKIEL 45:12

“Ki rukom jingthew tarajur jong phi kin long kumne harum: 20 gerah==1 shekel 60 shekel==1 mina

LEBITIKOS 27:25

Ïa ka dor baroh yn kheiñ kat kum ka dor ba la pynshong.

LEBITIKOS 27:3

kumba la pynshong ïa ka: — ïa u shynrang uba la rangbah, arphew snem haduh hynriewphew snem ka rta: 50 lyngkhot ka rupa — ïa ka kynthei kaba la ïaw: 30 lyngkhot ka rupa — ïa u shynrang uba kham khynnah, san snem haduh arphew snem ka rta: 20 lyngkhot ka rupa — ïa ka kynthei pat: 10 lyngkhot ka rupa — ïa u shynrang uba hapoh kaba san snem ka rta: 5 lyngkhot ka rupa — ïa ka kynthei kaba kham khynnah: 3 lyngkhot ka rupa — ïa u shynrang uba la palat hynriewphew snem: 15 lyngkhot ka rupa — ïa ka kynthei kaba la palat hynriewphew snem: 10 lyngkhot ka rupa.

LEBITIKOS 5:15

Lada uno uno u leh pop khlem tip da kaba kum klet ban wan ai ïa ka jingsiew ba long kyntang sha U Trai, un wallam ïa ka jingkñia namar ka jingleh palat sha U Trai da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kumba la buh.

JINGKHEIÑ 18:16

Ïa ki khunlung dei ban thied pat ynda ki la dap shi bnai ha ka jingbuhdor bym kylla kaba long san tylli ki sbai rupa, kat kum ka jingthew ba dei rukom.

JINGKHEIÑ 3:47

da kaba siewdor ïa uwei uwei san shekel ka rupa kat kum ka jingthew kaba buh ryntih,

MATHAÏOS 17:24

Haba U Jisu bad la ki synran ki la wan sha Kapernam, ki nonglum ïa ka khajna Templ ki la wan ha u Petros bad ki la kylli, “Hato u Nonghikai jong phi u siew ïa ka khajna Templ?”

MATHAÏOS 21:12

U Jisu u la leit shapoh ka Templ bad u la beh noh ïa baroh kito kiba ïadie bad kiba ïathied hangta. U la pynkylla khongpong ïa ki miej jong ki nongïapeiñ sbai bad ïa ki jaka shong jong kito kiba die paro,

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”