EKSODOS 3:2 - Khasi CL Bible (BSI)

² Hangta u angel jong U Trai u la mihpaw ha u ha ka dur ka thylliej ding napdeng kawei ka 'lawlynnong. U Moses u ïohi ba kata ka 'lawlynnong ka la kem ding, hynrei kam shym ing satia.

KA BAIBL

² Bad u angel U Trai u la mihpaw ha u ha ka thylliej ding napdeng ka 'law lynnong: te u la khmih, bad ha khmih, kata ka 'law lynnong ka la ing da ka ding, hynrei, kata ka 'law lynnong kam ing duh noh.

EKSODOS 3:2 Mawu Ofanana

JENESIS 21:17

U Blei u ïohsngew ïa ka jingïam uta u khunlung, bad na bneng u angel jong U Blei u kren ha ka Hagar, “Ko Hagar, pha khuslai ïa-ei? Wat sheptieng. U Blei u la ïohsngew ïa ka jingïam uta u khunlung.

JENESIS 22:11

Hynrei u angel U Trai u pyrta ïa u na bneng, “Abraham, Abraham!” U jubab, “Ho-oid, nga hangne.”

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

SALM 66:12

Me la shah ïa ki nongshun jong ngi ban ïuh halor jong ngi; ngi la ïaid lyngba ïa ka ding bad ka jingshlei um, hynrei mynta me la wan ïalam ïa ngi sha ka jaka kaba shngain.

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

EKSODOS 23:20

“Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

EKSODOS 3:16

Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

DANIEL 3:27

Baroh ki khun syiem shynrang, ki lat, ki lat kiba kham hapoh, bad kiwei pat ki rangbah synshar jong u syiem ki la ïalumlang ban khmih ïa ki lai ngut ki rangbah, ki bym shym la pynmynsaw da ka ding. U shñiuh jong ki u khlem ing, ki jaiñ jong ki, ki khlem ing, bad ym shym la don kano kano ka jingsma tdem ha ki.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MARKOS 12:26

Mynta, na ka bynta kita kiba la ïap ki ban sa mihpat: Hato phim pat ju pule ha ka Kitab u Moses ïa ka bynta kaba dei shaphang ka 'lawlynnong kaba ing? Hangto la thoh ba U Blei u la ong ïa u Moses, ‘Nga long U Blei jong u Abraham, U Blei jong u Isaak bad U Blei jong u Jakob.’

LOUKAS 20:37

Bad u Moses u pynshisha da kaba shai ba ïa kiba ïap la pynmihpat. Ha ka bynta shaphang ka 'lawlynnong kaba ing u kren shaphang U Trai kum ‘U Blei jong u Abraham, U Blei jong u Isaak, bad U Blei jong u Jakob.’

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

DEUTERONOMI 33:16

To ka ri jong ki kan dap kyrhai da kaba bha baroh, Ba la kyrkhu da ka jingbha U Trai, Uba kren na ka 'lawlynnong kaba mehding. To kine ki jingkyrkhu kin wan ha ka jait u Joseph, Namar u la long u nongïalam ïa la ki hynmen bad para.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

NONGBISHAR 13:13

U angel u jubab, “Ka tnga jong phi ka dei ban sumar ban leh ïa kita baroh ïa kaba nga la bthah ïa ka.