EKSODOS 3:18 - Khasi CL Bible (BSI)

¹⁸ “Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

KA BAIBL

¹⁸ Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 3:18 Mawu Ofanana

JENESIS 12:1

U Trai u ong ha u Abram, “Mihnoh na la ka ri, na la ki ba-ha-ïing ha-sem, bad na ka ïing u kpa jong me, bad leit sha ka ri kaba ngan sa pyn-i ha me.

JENESIS 14:13

Te uwei uba la ïohlait u wan ïathuh ïa kane baroh ha u Abram, u Hebru, uba la shong la sah hajan ki dieng kyntang jong u Mamre u kynja Amor. U Mamre bad ki para shynrang jong u, u Eshkol bad u Aber, ki dei ki paralok u Abram.

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 48:3

U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga.

2 KHRONIKL 30:12

U Blei ruh u trei ha Judah bad u la pynïatylli ïa ki briew ha ka jingkut jingmut ban kohnguh ïa ka mon jong u da kaba bud ïa ki hukum jong u Syiem bad ki rangbah synshar jong u.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 17:5

U Trai u ong ha u Moses, “Ïalam bad me katto katne ngut ki nongïalam jong ki Israel, bad leit sha shuwa jong u paidbah. Rah ruh ïa u diengduh da uba me la shoh ïa ka wah Nile.

EKSODOS 19:1

Ki paid Israel ki mihnoh na Rephidim, bad ha ka sngi kaba nyngkong jong u bnai uba lai naduh ba ki mih na Ijipt ki wan poi ha ka ri shyiap Sinai. Ki sher dara hangta ha kjat u Lum Sinai,

EKSODOS 25:22

Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 3:16

Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

EKSODOS 30:36

Tylliat khyndiat ïa ka haduh ba kan da lwet ni bha, rah ïa ka shapoh ka Ïingjaiñ ka Jingdon Ryngkat jong nga bad ber ïa ka ha khmat ka Synduk ka Jutang. Kheiñ ïa kane ka jingiwbih kum kaba da kyntang janai.

EKSODOS 30:6

Buh ïa kane ka duwan shabar ka pyrda kaba la wah ha khmat jong ka Synduk Ka Jutang. Kata ka dei ka jaka ha kaba ngan ïashem bad me.

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

EKSODOS 4:24

Ha ka jaka sahmiet ha lynti, U Trai u ïashem bad u Moses, bad u mut ban pynïap noh ïa u.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

EKSODOS 7:16

Nangta ong ha u Pharaoh, ‘U Trai, U Blei jong ki Hebru, u la phah ïa nga ban ong ha phi ba phin shah ïa ki briew jong u ban leit, khnang ba kin ïoh ban mane ïa u ha ri shyiap. Hynrei haduh mynta phim shym shahshkor.

EKSODOS 8:1

Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga.

EKSODOS 8:20

U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

EKSODOS 8:23

Ngan pynïapher hapdeng ki briew jong nga bad ki briew jong me. Kane ka kambah kan jia lashai.’ ”

EKSODOS 9:1

U Trai u ong ha u Moses, “Khie leit sha u Pharaoh bad ïathuh ha u ba U Trai, U Blei jong ki Hebru, u ong, ‘Pyllait ïa ki briew jong nga khnang ba ki lah ban mane ïa nga.

EKSODOS 9:13

Te U Trai u ong ha u Moses, “Lashai dang step, leit ïakynduh ïa u Pharaoh bad ïathuh ha u ba U Trai, U Blei jong ki Hebru, u ong, ‘Pyllait ïa ki briew jong nga, khnang ba ki lah ban mane ïa nga.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 26:5

bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

JOSHUA 1:17

Ngin kohnguh ïa me kumba ngi la ju kohnguh ïa u Moses, bad ai ba U Trai U Blei jong me un long ryngkat bad me kumba u la long bad u Moses!