EKSODOS 3:17 - Khasi CL Bible (BSI)

¹⁷ Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

KA BAIBL

¹⁷ nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 3:17 Mawu Ofanana

JENESIS 46:4

Ngan leit lang bad me sha Ijipt, bad ngan wan ïalam biang ïa ki khun ki ksiew jong me sha kane ka ri. U Joseph ruh un don ryngkat bad me ynda me ïap.”

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

JENESIS 50:25

Nangta u Joseph u ong ïa la ki briew ban smai. “Kular ïa nga,” u ong, “ba ynda U Blei u ïalam noh ïa phi sha kata ka ri, phin rah lang ïa ka met jong nga nangne.”

1 KHRONIKL 1:15

ki Hib, ki Ark, ki Sin,

SALM 102:21

Bad kumta ïa ka kyrteng jong u yn pynbna ha Seïon, bad yn ïaroh ïa u ha Jerusalem

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 33:3

Phin ïaleit sha ka ri kaba tuid da ka dud bad ka ngap. Hynrei ngan ym leit ryngkat bad phi, namar phi long ki briew kiba mutlop, ïoh ba ngan pynjot thiaw ïa phi ha lynti.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

JEREMAÏAH 11:5

Nangta ngan bat ïa ka kular kaba nga la pynlong ha ki kpa tymmen jong ki ba ngan ai ha ki ka ri kaba tuid da ka dud bad ka ngap kaba ki don mynta.” Nga la ong, “Ho-oid, ko Trai.”

JEREMAÏAH 32:22

Me la ai ha ki ïa kane ka ri kaba tuid da ka dud bad ka ngap, kumba me la kular ha ki kpa tymmen jong ki.

ESEKIEL 20:6

Ka la long ha kato ka por ba nga la kular ban shim noh ïa ki na Ijipt bad ïalam ïa ki sha ka ri kaba nga la jied na ka bynta jong ki, ka ri kaba tuid da ka dud bad ka ngap, ka ri kaba kynsai tam na baroh.

LEBITIKOS 20:24

Hynrei nga la kular ha phi ïa kata ka ri kaba tuid da ka dud bad ka ngap kum ka jingïohkynti jong phi, bad ngan ai ïa ka ha phi. Nga long U Trai U Blei jong phi, bad nga la pynkyrpang ïa phi na kiwei pat ki jaitbynriew.

JINGKHEIÑ 13:27

Ki la ong ha u Moses, “Ngi la swar ïa ka ri bad ngi shem ba ka long kaba tuid da ka dud bad ka ngap; hangne khyndiat u soh jong ka.

DEUTERONOMI 26:9

U la wan ïalam ïa ngi shane bad u la ai ha ngi ïa kane ka ri kaba tuid da ka dud bad ka ngap.

DEUTERONOMI 6:3

Shahshkor ïa ki, ko Israel, bad kohnguh ïa ki! Te phin shem bha, bad phin nang roi bad long ka jaitbynriew kaba donbor bad phin ïoh shong ha kata ka ri kaba tuid da ka dud bad ka ngap, kumba U Trai U Blei ki kpa tymmen jong ngi, u la kular.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 9:1

Ïa ki jingjop jong ki Israel la bna ha baroh ki syiem kiba shaphang sepngi jong ka Jordan — ha ki lumrit, ha trai ki lum, bad ha ka pyntha rud duriaw jong ka Duriaw Mediterranian haduh ka Lebanon ha ka phang bashatei; kine ki dei ki syiem jong ki Hit, ki Amor, ki Kanaan, ki Peris, ki Hib, bad ki Jebus.