EKSODOS 3:14 - Khasi CL Bible (BSI)

¹⁴ U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

KA BAIBL

¹⁴ Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

EKSODOS 3:14 Mawu Ofanana

Ka Kitab U Job 11:7

Hato me lah ban shem ïa ki pud ki sam jong ka jingkhraw bad ka bor jong U Blei?

SALM 68:4

To rwai ha U Blei, rwai ki jingïaroh ïa ka kyrteng jong u; pynkhreh ka lynti ïa uta uba shong halor jong ki lyoh. Ka kyrteng jong u ka long U Trai — A to lehkmen ha ka jingdon ryngkat jong u!

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 3:13

Hynrei u Moses u phai ktien, “Haba nga leit sha ki Israel bad ngan ong ha ki, ‘U Blei jong ki kpa tymmen jong phi u la phah ïa nga sha phi,’ kin sa kylli ïa nga, ‘Kaei ka kyrteng jong u?’ Ngan ong kumno ïa ki?”

EKSODOS 6:2

Te U Blei u la kren ha u Moses bad u la ong, “Nga long U Trai.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

MATHAÏOS 18:20

Namar haba ar lane lai ngut ki ïawanlang ha ka kyrteng jong nga, nga don hangta lem bad ki.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

ÏOANNIS 8:28

Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

2 KORINTH 1:20

Dei namar kane lyngba U Jisu Khrist ba ngi ïa-ong “Amen” na ka bynta ka burom U Blei.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”