EKSODOS 3:10 - Khasi CL Bible (BSI)

¹⁰ Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

KA BAIBL

¹⁰ Namar kata, ale mynta te, ngan phah ïa me sha u Pharaoh, ba men ïoh ïalam noh ïa ki briew jong nga ki khun Israel keiñ, na ka ri Ijipt.”

EKSODOS 3:10 Mawu Ofanana

JENESIS 15:13

U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

JENESIS 15:14

Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

SALM 105:26

Nangta u phah ïa u shakri jong u, u Moses, bad u Aaron, ïa kiba u la jied.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

EKSODOS 12:40

Ki Israel ki sah ha Ijipt sawspah laiphew snem.

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 33:12

U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 33:13

Lada ka long kumta, nga kyrpad ïa me ba men ïathuh ha nga ïa ki jingthmu jong me, khnang ba nga lah ban ïai shakri bad pynsngewbha ïa me. To da kynmaw ruh ba me la jied ïa kane ka jaitbynriew ba kan long u paidlang jong me.”

EKSODOS 6:26

U Aaron bad u Moses ki la long kita ha kiba U Trai u la ong, “Ïalam noh ïa ki jait Israel na Ijipt.”

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.

MIKAH 6:4

Nga la wan ïalam noh ïa phi na ka ri Ijipt; nga la pyllait ïa phi na ka jinglongmraw; nga la phah ïa u Moses, u Aaron, bad ka Miriam ban ïalam ïa phi.

KI KAM 7:34

Nga la ïohi ïa ka jingshah shitom bashyrkhei jong ki briew jong nga ha Ijipt. Nga la ïohsngew ïa ki jingud jong ki, bad nga la wan hiar ban pyllaitluid ïa ki. Ale mynta; ngan phah ïa me sha Ijipt.’

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

KI KAM 7:6

Kane ka long kaei kaba U Blei u la ong ha u: ‘Ki khun ki ksiew jong me kin shong ha ka ri nongwei, ha kaba kin long ki mraw bad kin shah lehbeiñ haduh sawspah snem.

KI KAM 7:7

Hynrei ngan sa bishar ïa kata ka jaitbynriew ïa kaba kin shakri, bad hadien kata ki khun ki ksiew jong me kin mihnoh na kata ka ri bad kin mane ïa nga ha kane ka jaka.’

NONGBISHAR 6:14

Nangta U Trai u la hukum ïa u, “Khie leit da la ka bor bakhraw bad pyllait ïa ki Israel na ki Midian. Nga hi nga phah ïa me.”

1 SAMUEL 12:6

U Samuel u ong shuh shuh, “U dei U Trai keiñ uba la thung ïa u Moses bad u Aaron bad uba la wan ïalam ïa ki kpa tymmen jong phi na Ijipt.

1 SAMUEL 12:8

Haba u Jakob bad ka ïing jong u ki leit sha Ijipt, bad ki nong Ijipt ki banbeiñ ïa ki, ki kpa tymmen jong phi ki kyang ban ïoh jingïarap sha U Trai, bad U Trai u phah ïa u Moses bad u Aaron, kiba la wan ïalam noh ïa ki na Ijipt bad pynshong pynsah ïa ki ha kane ka ri.