EKSODOS 29:37 - Khasi CL Bible (BSI)

³⁷ Hynñiew sngi lynter men leh ïa kane man la ka sngi. Te ka duwan kan sa long kaba khuid phar; bad ka bor jong ka jingkhuid jong ka kan pynmynsaw kat ïa uba ktah ïa ka.

KA BAIBL

³⁷ Hynñiew sngi men pynlong ïa ka kuna na ka bynta kata ka duwan, bad men pynkyntang ïa ka: te kan long ka duwan ba la kyntang tam eh: kaei kaei baroh ba pyndei ïa kata ka duwan kan long bakyntang.

EKSODOS 29:37 Mawu Ofanana

2 KHRONIKL 7:9

Ki la pynlut hynñiew sngi ha kaba pynkyntang ïa ka duwan, bad nangta sa hynñiew sngi ha kaba rakhe ïa ka Jingkhawai Niam. Ha ka sngi kaba khatduh ki la pynlong ïa ka jingrakhe pynwai.

EKSODOS 40:10

Nangta pynkyntang ïa ka Ïingjaiñ bad ïa ki tiar jong ka baroh da kaba synreit da ka umphniang pynsleh; te kan sa long kaba kyntang nadong shadong.

ESEKIEL 43:20

Me dei ban shim katto katne na ka snam jong u bad ban buh ïa ka ha ki reng ha ki saw tylli ki dong kiba halor ha ka duwan, bad ha ki dong jong ka bynta ba hapdeng jong ka duwan, bad ha baroh sawdong jong ki tduh. Ha kane ka rukom men pynkhuid ïa ka duwan bad pynkyntang ïa ka.

ESEKIEL 43:25

Man ka sngi na ka bynta hynñiew sngi men ai u 'langsohmoh, u masi kyrtong, bad u langbrot kum ki jingkñia na ka bynta ka pop. Baroh ki dei ban long khlem kino kino ki jingduna.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LEBITIKOS 16:16

Ha kane ka rukom un pyndep ïa ka rukom lehniam ban pynkhuid ïa ka Jaka Kaba Khuid Tam namar ka jingbymkhuid jong ki Israel bad namar ki pop jong ki baroh. U dei ban leh kumne ha ka Ïingjaiñ namar ka ïeng hapdeng ka jaka shong dara, ïa kaba la ñiew ba ka long ka bymkhuid.

LEBITIKOS 6:11

Nangta un leit pli ïa la ki jaiñ bad un rah ïa uta u dpei shabar ka jaka shong dara, sha ka jaka lehniam bakhuid.

LEBITIKOS 8:11

U shim ruh khyndiat na kata ka umphniang bad u synreit ïa ka hynñiew sien ha ka duwan bad ki tiar jong ka baroh, bad ha ka dabor bad ka jingpynshong jong ka, khnang ban pynkyntang ïa ki sha U Trai.

HAGGAI 2:12

Tharai uno uno u shim ïa ka lyngkhot doh ba la pynkyntang na ka jingkñia bad u rah ha ka jingkhylliap jong ka jaiñkup jong u. Te lada u kum pyndei ïa la ka jaiñkup ha uno uno u kpu, ka jingbam ba la shet, ka waiñ, ka umphniang Olib, ne ka dei kano kano ka jait jingbam, hato kan pynlong ba la pynkyntang ruh ïa kata ka jingbam?” Haba la kylli ïa kata ka jingkylli, ki lyngdoh ki jubab, “Em.”

MATHAÏOS 23:17

Ko ki bieit bamatlah! Kano kaba kham donkam, ka ksiar lane ka Templ kaba pynlong khuid ïa ka ksiar?

MATHAÏOS 23:19

A katno phi long kiba matlah! Kaei kaba kham donkam, ka jingai sngewbha ne ka duwan kaba pynlong khuid ïa ka jingai sngewbha?