EKSODOS 29:25 - Khasi CL Bible (BSI)

²⁵ Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

KA BAIBL

²⁵ Bad men shim ïa ki na ki kti jong ki, bad to thang ïa ki halor kata ka duwan ïa ka ban long ka jingainguh thang, ka jingiw baiwbih keiñ ha khmat U Trai: ka long keiñ ka jingainguh kaba da ka ding ha U Trai.

EKSODOS 29:25 Mawu Ofanana

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:24

Buh ïa kine baroh ha ki kti u Aaron bad ha ki kti ki khun shynrang jong u, bad ong ba kin pynkyntang ïa ki kum ka jingainguh kyrpang sha nga.

EKSODOS 29:41

Kñia ïa u khunlangbrot uba ar ynda janmiet, bad ainguh lang bad u katjuh u kew ba la tylliat ni bha, ka umphniang Olib, bad ka waiñ kumba leh mynstep. Kane ka long ka jingainguh bam sha nga U Trai, bad ka jingiwbih jong ka, ka pynsngewbha ïa nga.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 10:13

Bam ïa ka ha ka jaka kaba khuid; ka long ka bynta kaba dei ka jong me bad jong ki khun shynrang jong me na kata ka jingbam ba la kñia ainguh sha U Trai. Kata ka long kaei kaba U Trai u la hukum ïa nga.

LEBITIKOS 2:11

Ym dei ban khleh thiat ha ki jingainguh bam baroh kiba phi ai sha U Trai. Lano lano phim dei ban pyndonkam ïa u thiat ne ïa ka ngap ha ka jingbam kaba phi ainguh sha U Trai.

LEBITIKOS 2:16

U lyngdoh un thang khyndiat na kata ka jingbam ryngkat bad ka umphniang bad ka jingiwbih baroh kum ka dak jong ka jingainguh bam sha U Trai.

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 2:9

Uta u lyngdoh un shim khyndiat na ka kum ka dak ba la ainguh ïa ka sha U Trai, bad un thang ïa ka halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:14

bad ai ïa kine ki dkhot met jong u kum ka jingainguh bam sha U Trai: ka khleiñ baroh kaba sop ïa ki snier,

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

LEBITIKOS 3:3

Ki lyngdoh na ka ïing u Aaron kin synreit ïa ka snam sawdong ka duwan, bad kin ai ïa kine ki dkhot met jong uta u mrad kum ka jingainguh bam sha U Trai:

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 3:9

ka khleiñ, ka dongnai baroh ba la ot najan u budlum, ka khleiñ baroh kaba sop ïa ki snier,

LEBITIKOS 7:25

Uno uno uba bam ïa ka khleiñ jong u mrad ïa uba wanlam kum ka jingainguh bam sha U Trai yn ym ñiew shuh ïa u kum uwei na ki briew jong U Blei.

LEBITIKOS 7:5

U lyngdoh u dei ban thang ïa kata ka khleiñ baroh halor kata ka duwan kum ka jingainguh bam sha U Trai. Ka dei ka jingkñia namar ka jingleh palat.

LEBITIKOS 8:28

Nangta u Moses u shim ïa ka jingbam na ki bad u thang ïa ka ha ka duwan, halor ka jingkñia ainguh thang, kum ka jingainguh jingpynkyntang. Kane ka long ka jingkñia ainguh bam, bad ka jingiw na ka, ka pynsngewbha ïa U Trai.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.