EKSODOS 29:18 - Khasi CL Bible (BSI)

¹⁸ Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

KA BAIBL

¹⁸ Men thang ruh ïa uta u langbrot baroh halor kata ka duwan: ka long ka jingainguh thang ïa U Trai: ka long ka jingiw baiwbih, ka jingainguh keiñ kaba da ka ding ha U Trai.

EKSODOS 29:18 Mawu Ofanana

JENESIS 22:13

U Abraham u khmih sawdong bad u la ïohi ïa u langbrot uba la sahkut ki reng ha ka bniap. U leit ban shim ïa u, bad kñia ïa u kum ka jingainguh thang ha ka jaka u khun jong u.

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

JENESIS 22:7

u Isaak u ong, “Ko pa!” U jubab, “Oi, khun?” U Isaak u kylli, “Nga ïohi ïa ki rnga barhem bad ïa ki dieng, hynrei hangno pat u khunlangbrot na ka bynta ka jingkñia?”

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

1 SYIEM 18:38

U Trai u phah ïa ka ding najrong, bad ka thang duh ïa ka jingkñia, ïa ki diengthang bad ïa ki maw; ka pyningkhong ïa ka khyndew bad pynrngad lut ïa ka um ha ka kharai.

1 SYIEM 3:4

Ha kawei ka khep u la leit sha Gibeon ban ai jingkñia namar kata kaba don hangta ka long ka duwan kaba donnam tam. U la ai da ki spah tylli ki jingainguh thang hangta ha ka por ba la leit.

SALM 50:8

Ngam sneng ïa phi namar ki jingkñia jong phi bad ki jingainguh thang kiba phi wanrah borabor sha nga.

EKSODOS 29:17

Ot lyngkhot lyngkhot ïa uta u langbrot, sait ïa ki snier bad ki kjat-dien jong u, nangta sa buh lang ïa ki halor kita ki lyngkhot doh bad ka khlieh jong u.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

ISAÏAH 1:11

U ong, “Hato pha pyrkhat ba nga kwah ïa ki jingkñia baroh kiba pha ïai ai ïa nga? Nga la ngiah shoiñ ïa ki langbrot kiba pha thang kum ki jingkñia bad ïa ki khleiñ jong ki jingri kiba bha tam jong pha. Nga la jlep ïa ka snam jong ki masi lyngraw bad ki langbrot bad ki blang.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

1 SAMUEL 7:9

U Samuel u pynïap uwei u khunlangbrot bad u thang tylli ïa u kum ka jingkñia ainguh ha U Trai. Nangta u duwai ha U Trai ban ïarap ïa ki Israel, bad U Trai u jubab ïa ka jingduwai jong u.