EKSODOS 28:36 - Khasi CL Bible (BSI)

³⁶ “Thaw ruh ïa ka jingdeng da ka ksiar nylla bad thoh ha ka, ‘La Pynkyntang sha U Trai.’

KA BAIBL

³⁶ “Men thaw ruh ïa ka sla da ka ksiar banylla, bad men pruid ha ka, kum ki jingpruid jong ka mohor, ‘Ka jingkhuid ha U Trai.’

EKSODOS 28:36 Mawu Ofanana

1 KHRONIKL 23:13

U Amram, u khun nyngkong jong u, u dei u kpa jong u Aaron bad u Moses. (Ïa u Aaron bad ki khun ki ksiew jong u la pynkyrpang ban sumar junom ïa ki tiar ki tar kiba khuid, ban thang jingiwbih ha ka jingmane ïa U Trai, ban shakri ïa u, bad ban kyrkhu ïa ki briew ha ka kyrteng jong u.

SALM 93:5

Ki aiñ jong me ki neh bymjukut, A Trai, bad ka Templ jong me ka long kaba khuid da shisha, junom la junom.

EKSODOS 19:6

ka jaitbynriew ba la pynkyntang sha nga, bad phin shakri ïa nga kum ki lyngdoh.”

EKSODOS 28:11

Wad ïa u bania uba tbit ba un ohdur ha kita ki ar tylli ki mawkordor ïa ki kyrteng jong ki khun shynrang jong u Jakob bad pynshong ïa ki ha ki jingoh-shrong kiba da ka ksiar.

EKSODOS 28:35

U Aaron u dei ban phong ïa kane ka barandi haba u shakri kum u lyngdoh. Haba u wan ha khmat jong nga ha ka Jaka kaba Kyntang, lane haba u mih nangta, yn ïohsngew ïa ka jingriew ki shakuriaw, bad un ym shah pynïap.

EKSODOS 28:37

Teh ïa ka ha khmat ka jaiñspong da u ksai bajngum.

EKSODOS 28:9

Shim ar tylli ki mawkordor Karnelian, bad thoh ha ki ïa ki kyrteng jong ki khat-ar ngut ki khun shynrang jong u Jakob,

EKSODOS 29:6

Pynphong ïa ka jaiñspong ha ka khlieh jong u bad teh halor jong ka ïa ka dak bakyntang jong ka jingpynkyntang ba la thoh ‘La Pynkyntang sha U Trai.’

EKSODOS 39:27

Ki suh ïa ki sopti-poh na ka bynta u Aaron bad ki khun shynrang jong u,

EKSODOS 39:30

Ki shna ïa ka jingdeng da ka ksiar nylla, kaba long ka dak kaba khuid jong ka jingpynkyntang, bad ki thoh ha ka, “La Pynkyntang sha U Trai.”

EKSODOS 39:31

Ki teh ïa ka ha khmat ka jaiñspong da u ksai uba jngum, kumba U Trai u la hukum ïa u Moses.

ISAÏAH 23:18

Ïa ka pisa kaba ka kamai da ka jingkhaïi pateng, yn pynkyntang sha U Trai. Pynban kan ym buh tyngkai, hynrei kito kiba mane ïa U Trai, kin pyndonkam ïa ka pisa jong ka ban thied jingbam bad ki jaiñ ki nep kiba ki donkam.

ESEKIEL 43:12

Kane ka dei ka hukum jong ka Templ: Baroh ka jaka sawdong jong ka halor jong u lum ka long kaba kyntang bad kaba khuid.”

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

LEBITIKOS 8:9

U buh ïa ka jaiñspong ha ka khlieh jong u, bad ha khmat jong ka u pyndait ïa ka jingdeng ksiar, kaba long ka dak jong ka jingpynkyntang, kumba U Trai u la hukum ïa u.

SEKHARAÏAH 14:20

Ha kata ka por wat ïa ki baje ha ki tyllai teh jong ki kulai yn thoh da ki kyntien “Ba la pynkyntang sha U Trai.” Ki khiew shet ha ka Templ kin long kiba kyntang kum ki jingdiang ha khmat ka duwan.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.