EKSODOS 26:33 - Khasi CL Bible (BSI)

³³ Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

KA BAIBL

³³ Bad men woh ïa kata ka jingkah pdeng ha kita ki jingpyndait, ba me lah ban wallam hapoh hangta shapoh kata ka jingkah keiñ ïa ka synduk ka jingphla: bad kata ka jingkah pdeng kan pynïakhlad ha phi hapdeng ka jaka kyntang bad ka bakyntang tam eh.

EKSODOS 26:33 Mawu Ofanana

1 SYIEM 6:16

Ka kamra kaba shapoh, ïa kaba la khot ka Jaka Kaba Kyntang Tam, la shna shaphang shadien jong ka Templ. Ka lynter jong ka, ka long khyndai mitar, bad la ker ïa ka da ki lyntang dieng Kedar naduh tbian haduh ka sad.

1 SYIEM 8:10

Haba ki lyngdoh ki dang mih na ka Templ, kyndit kyndit la pyndap ïa ka da u lyoh,

1 SYIEM 8:6

Nangta ki lyngdoh ki bah ïa ka Synduk ka Jutang sha ka Templ bad ki buh ïa ka ha Ka Jaka Kaba Kyntang Tam, hapoh ki kherub.

2 KHRONIKL 3:8

Ka kamra kaba kham shapoh, ïa kaba la khot ka Jaka Kaba Kyntang Tam; ka don khyndai mitar ka lynter bad khyndai mitar ka pyngkiang, kaba long kat ka pyngkiang jong ka Templ. Palat ïa arphew ton ka ksiar la pyndonkam ban tap ïa ki kynroh jong ka Jaka Kaba Kyntang Tam;

EKSODOS 25:16

Nangta thep hapoh ka synduk ïa ki ar tylli ki mawlyngkniap kiba ngan ai ha me, ha kiba la thoh ïa ki hukum jong nga.

EKSODOS 26:32

Wah ïa ka halor ki saw tylli ki rishot kiba da ka dieng akasia ba la suit ksiar, ha kiba la buh ïa ki bnoh ksiar, bad ïa kiba la thep ha ki thliew tnaw rupa.

EKSODOS 27:10

ïa kiba la kyrshan pynskhem ïa ki da ki arphew tylli ki rishot rnong ba la thep ha ki arphew tylli ki thliew tnaw rnong; lem bad ki bnoh bad ki rod ba la shna da ka rupa.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 36:36

Ki shna saw tylli ki païa da ka dieng akasia ha kiba yn wah ïa kata ka pyrda, ki suit ïa ki da ka ksiar, bad ki buh ha ki ïa ki bnoh ksiar. Nangta ki shna saw tylli ki thliew tnaw rupa kiba batskhem ïa kita ki païa.

EKSODOS 40:21

Nangta u buh ïa kata ka synduk hapoh ka Ïingjaiñ bad u wah ïa ka pyrda. Da kumne u kah ïa ka Synduk ka Jutang, kumba U Trai u la hukum ïa u.

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

ESEKIEL 41:4

U la thew ïa ka kamra hi, bad ka long shiphew mitar sawdong. Kane ka kamra ka la long sha lyndet ka kamra pdeng. Nangta u la ong ïa nga, “Kane ka long ka Jaka Bakyntang Tam.”

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.