EKSODOS 22:24 - Khasi CL Bible (BSI)

²⁴ bad ngan bitar lep, bad ngan pynïap ïa phi ha ka thma. Ki tnga jong phi kin kylla riewkynthei, bad ki khun jong phi kin kylla khunswet.

KA BAIBL

²⁴ bad kan sa meh ka jingbitar jong nga, te ngan pynïap ïa phi da ka waitlam; te ki tnga jong phi kin sa long ki riewkynthei, bad ki khun jong phi kin sa long ki khunswet.

EKSODOS 22:24 Mawu Ofanana

NEHEMAÏAH 5:7

Nga la pynrem ïa ki nongïalam bad ki rangbah synshar jong ki paidbah bad ong ïa ki, “Phi la banbeiñ ïa la ki para ki hynmen jong phi!” Nga la khot ïa ka jingïalang paidbah ban pynbeit ïa ka jingeh bad nga ong,

Ka Kitab U Job 31:23

Namar ba nga sheptieng ïa ka jingpynshitom U Blei, ngam shym lah ban leh ïa kaba kum kata.

SALM 109:2

Ki briew bymman bad kiba shukor ki la ïaleh pyrshah ïa nga. Ki kren shukor shaphang jong nga

SALM 109:9

Ai ba ki khun jong u kin kylla long ki khunswet, bad ka tnga jong u kan long riewkynthei!

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

SALM 69:24

To theh noh ïa ka jingbitar jong me halor jong ki; ai ba ka jingbitar shla jong me kan lap ïa ki.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

JEREMAÏAH 15:8

La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

SNGEWSYNEI 5:3

Ïa ki kpa jong ngi la pynïap da u nongshun, bad mynta ki kmie jong ngi ki long ki riewkynthei.

LEBITIKOS 25:35

Lada uno uno u para Israel uba shong marjan bad phi u kylla duk bad um lah shuh ban kyrshan hi ïa lade, phi dei ban ïarap ïa u kumba phi leh ïa u nongtrei, khnang ba u lah ban ïailong u paramarjan jong phi.

LEBITIKOS 25:36

Wat shim sut ei ei na u, hynrei kohnguh ïa U Blei, bad shah ïa uta u para Israel jong phi ban shong marjan bad phi.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

LOUKAS 6:38

Ai ha kiwei, bad U Blei un ai ha phi. Da shisha, phin ïohpdiang ka jingthew kaba dap biang, ka jingai basbun, kaba la theh ha ki kti jong phi — baroh kata kaba phi lah ban bat. Ka jingthew kaba phi pyndonkam na ka bynta kiwei ka long kata kaba U Blei un pyndonkam ïa phi.”

DEUTERONOMI 23:20

Phi lah ban kheiñ sut haba phi ai ram ïa u nongwei, ym haba phi ai ram ïa la u para Israel, ba kumta U Trai U Blei jong phi un kyrkhu kat ïa kaba phi leh ha kata ka ri ba phin ïohkynti.

DEUTERONOMI 23:21

“Haba phi ai kano kano ka jingkular ha U Trai U Blei jong phi, wat pynslem ha kaba pyndep ïa ka, U Trai un bat ïa ka kular jong phi, bad ka long ka pop ban ym pyndep ïa ka.

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!