EKSODOS 2:5 - Khasi CL Bible (BSI)

⁵ Ka khun u Pharaoh ka la wan hiar sha ka wah ban sum, katba ki shakri kynthei jong ka pat ki nang ïa-ïaid kai harud wah. Kynsan ka la ïohi ïa kata ka shang hapdeng ki khah, bad ka phah ïa ka mraw ban leit shim ïa ka.

KA BAIBL

⁵ Te ka khun u Pharaoh ka la wan hiar ban sum ha kata ka wah; bad ki shakri kynthei jong ka ki la ïaid kai harud ka wah; te haba ka la ïohi ïa kata ka shang hapdeng ki kor, ka la phah shim ïa ka ha ka shakri jong ka.

EKSODOS 2:5 Mawu Ofanana

1 SYIEM 17:6

U la dih um na ka wahduid bad ki tyngab ki wanrah kpu bad wanrah doh ïa u man la ka step bad man la ka janmiet.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

SALM 9:9

U Trai u long ka jakarieh ïa kiba shah banbeiñ, ka jaka bashngain ha ki por jynjar.

EKSODOS 2:6

Haba ka plied ïa ka, ka ïohi ïa u khunlung. Uta u khunlung u ïam, bad ka sngewsynei ïa u. “Une te u dei uwei na ki khun Hebru,” ka la ong.

EKSODOS 7:15

Kumta khie leit bad ïakynduh ïa u mynstep ha ka por ba u leit hiar sha ka wah Nile. Rah bad me ïa u diengduh ïa uba la pynkylla bseiñ, bad ap ïa u harud wah.

EKSODOS 8:20

U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

JONAH 1:17

Ha ka hukum U Trai, u dohkha uba heh u la nguid ïa u Jonah, bad u la don hapoh u dohkha lai sngi lai miet.

JONAH 2:10

Te U Trai u la hukum ïa u dohkha ban prie noh ïa u Jonah harud duriaw, bad u la leh kumta.

KI KAM 7:21

La sumar ïa u ha ïing haduh lai bnai, bad haba la buh ïa u shabar na ka ïing jong u, ka khun jong u syiem ka la ting khun ïa u bad ka la pynheh pynsan ïa u kum la u jong u khun.